Twenty

Sunod-sunod na ring ng cellphone ang nagpagising sa dalaga. Kahit nakapikit ay agad inabot ang aparato sa night table. Wala sa sariling sinagot iyon.

" Hello. " inaantok pa niyang sagot. Nanatiling nakapikit ang mga mata.

" Tingnan mo ang ginawa ng fiance mo sa video. " Mataray na sagot ng babae sa kabilang linya. Sukat doo'y napamulat ng mga mata ang dalaga. Dumako ang mga mata sa cellphone para tingnan ang caller. Unknown number ang rumehistro roon. Napabangon siya.

" Sino ka? Anong pangalan mo? Sa palagay ko ay wrong number ka, miss. " Kalmado ang tinig na sagot niya sa babae. Hindi niya kilala ang boses nito kaya nagtaka siya kung paano nito nakuha ang cellphone number niya. Tumawa ito ng malakas sa kanya.

" This is Riva at ako ang tunay na fiancee ng nobyo mong si Blake. " Pagbibigay alam nito sa kanya. Sino raw? Riva! Biglang umalingawngaw sa isip niya ang pangalang Riva.

" Gusto kong makita mo kung gaano ka babaero iyang nobyo