Nineteen

Napakasama ng tingin na iginawad ni Riva sa dalawang magkapareha. Kanina pa niya sinusundan ang dalawa na namamasyal sa mall. Nanggagalaiti siya dahil sobrang sweet ng mga ito. Naiinis siya dahil di hamak na mas bata sa kanya ang ipinalit nito.

Bumalik siya ng Pilipinas dahil nawalan na siya ng pagmamahal sa kanyang ex-husband. Buong akala niya ay mahal na mahal niya ito. Ngunit makalipas lamang ng dalawang taon ay nagbago ang feelings niya sa asawa. Biglang naiinis siya rito at nagsawa na lang bigla.

Hinahanap-hanap niya ang lalaking iniwan niya ng Pilipinas. At iyon ay walang iba kundi si Blake. Ang lalaking umiibig sa kanya ng tunay.

Ngayon niya pinagsisihan ang mga nagawang kakulangan rito noon. Ang mga palpak na mga desisyon na akala niya noong una ay makakabuti sa kanya ngunit hindi pala. Pero talaga nga palang nasa huli ang pagsisisi.

But wait. Hindi siya papayag na mapunta sa ibang babae ang tunay niyang minamahal. Babawiin niya ito sa b