Chapter Seventeen

"ANO NA ang status ninyo ni Craig, Bes?" tanong sa kanya ni Virginia nang makorner siya nito sa garden. "Sa nakikita ko okay na kayong dalawa. Kung hindi ko lang alam kung anong totoong dahilan kung bakit pa kayo nagsasama hanggang ngayon, iisipin ko na nagmamahalan talaga kayong dalawa."

Ano nga ba ang status ng relasyon nila ni Craig ngayon? Naging sweet ito, maalaga, maasikaso at higit sa lahat s tuwing nagtatalik sila ay ipinararamdaman nito sa kanya kung gaano siya kahalaga rito.

"I don't know," ang tanging nasagot niya.

"Hindi mo alam? Pwede ba 'yun? You already consummate your marriage?"

Marahan siyang tumango. Wala ng dahilan para pagsinungalingan pa niya ang tungkol 'dun. "Yes."

Nagbuga ito ng hangin na tila ba ito ang napapagod sa sitwasyon na meron sila ngayon. "What if he still decides to annul your marriage in the end? Paano ka na? Masasaktan ka na naman?"

Mapait siyang ngumiti. "At least I tried. Kung hindi man niya piliing manatili bilang asawa ko tatanggapin ko 'yun. M