Kabanata 56

“Y-ung kaibigan ko,” hirit ni Lalaine bago siya tuluyang hilahin ng nobyo paalis ng maingay na lugar na ito.

“Si Sandro na ang bahala sa kanya,” tipid nitong tugon.

“Sandro?” biglang pumasok sa isipan ni Lalaine ang mga pinaggagawa ni Sandro sa kaibigan at naalala niyang ikakasal na ito sa iba, “h-hindi pwede… ayokong siya ang mag-uwi sa kaibigan ko baka hindi pa siya makauwi.” Pilit kinakalas ni Lalaine ang pagkakahawak sa kaniya ng nobyo, “bakit? Anong gagawin mo?” tanong ni Juaquin.

“Bitawan mo ako,” utos niya, “ako na ang maghahatid sa kanya,” dagdag ni Lalaine.

“Magtiwala ka, walang masamang gagawin si Sandro sa kaibigan mo,” pakiusap ni Juaquin sa kanya.

“Fine! Pero kapag nalaman ko… kapag nalaman ko talaga na may ginawa siya sa besprend ko, kasama kang mananagot,” pagbabanta niya kahit pa umiikot ang paningin niya sa hilo ay maliwanag pa rin ang pag-iisip niya sa nangyayari.

Agad na sinabihan ni Juaquin ang kaibigan bago siya sumakay sa loob ng sasakyan, “ikaw na bahala kay Ai