CHAPTER 8

Dahil sa nangyari ay bagsak ang balikat ni Luisa habang pauwi sa kanilang bahay, kung bakit ba naman kasi ngayon pa magsasara ang pinagtatrabahuan niya.

Ang malas naman yata niya ngayon.

Pero ika nga niya makakahanap ulit siya ng trabaho basta matino lang at legal. Ayaw niya ng pumasok sa isang trabaho na maaari lamang ulit niyang pagsisisihan.

Ay no... Erase! Erase! Hindi niya pinagsisihan iyon dahil kung hindi siya nakipag one night stand noon ay paniguradong patay na ngayong ang kaniyang ama at hindi dumating sa buhay niya si Rebecca. Kaya kahit hindi man niya pinaghandaan noon ang kaniyang pagbubuntis sa anak niya ay napakasaya pa rin niya sapagkat binigyan siya ulit ng Diyos ng rason para maging masigla at maging masaya sa buhay.

Pilit munang pinasigla ni Luisa ang kaniyang mukha nang nasa harapan na siya sa labas ng gate nila. Alam niyang uulanin na naman siya ng tanong ng kaniyang pamilya kapag nakita nitong matamlay siya at malungkot kaya dapat umasta lamang siyang normal, a