Special Chapter 6

Hindi ko alam ang dapat kong maramdaman matapos marinig mula sakaniya ang mga salitang 'yon.

Hindi, Nabrel. Masyadong mababaw ang nararamdaman niya sa'yo. Like nga lang, 'di ba? Masyadong pambata kaya bakit ka nagkakaganyan na para bang pagmamahal ang inamin niya? 

"Talianna, hindi pwede. May... may girlfriend ako." 

Dahil sa gulo ng isip ko, dahil sa mga bagay na gumugulo sa akin tungkol sa aming dalawa, iyon lang ang tanging naging sagot ko. 

Inakala ko na iyon ang mas mainam sa aming dalawa. Ano bang mangyayari kung sakaling malaman niya ang nararamdaman ko? Ayaw ko nang malaman. Ayaw ko nang saktan ang sarili ko.

Hindi kami pwede at ayaw ko nang kalabanin ang tadhana.

Ngumiti siya ngunit alam kong hindi iyon ang ngiti na gusto niyang ipakita sa akin. 

Hinampas ang puso ko nang makitang namuo ang kaniyang mga luha.<