CHAPTER 16

GARA'S POV

Tuwang-tuwa siguro siya dahil nainis ako kanina dahil sa ginawa niya pero okay lang dahil nakaganti naman ako sa kaniya, nakaligo tuloy siya nang wala sa oras. Tse. Pumapatol ako sa alien na galing sa Mars kaya wala siyang kawala sa akin.

Matapos niyang maligo ay sa sala nalang siya pumirme at nanood nalang ng basketball sa television. Feel na feel niya ang panonood samantalang wala kaming pansinan, walang pakialaman.

Pero baka kaya nanahimik e baka kasi may pinagpaplanuhan siya. Ayusin niya lang dahil handa ako kahit ano pa ang iniisip o pinaplano niya laban sa akin dahil hindi ako magpapatalo sa kaniya. Never!

Medyo madilim na sa labas dahil pasado alas-sais na ng gabi.

"Kain na, kamahalan." Kagagaling niya lang sa second floor at mukhang bihis na bihis siya ngayon. Himalang pumunta pa siya rito sa kusina kung may lakad naman pala siya. Dapat lumayas na lang siya agad. Saan kaya ang punta ng feeling single kong asawa?

Tumingin siya sa akin nang deretso samantalang ti