Chapter 5

Napatakip ng bibig si Althea, hindi siya makapaniwala sa kanyang mga narinig. Sa isang iglap, parang naubos ang dugo sa buong katawan niya. Dating kabilang ang pamilya ng kanyang lolo sa apat na pinakamakapangyarihang pamilya sa lungsod.

Ngunit matapos mamatay sa aksidente ang kanyang tiyuhin at pumanaw ang kanyang lolo dahil sa altapresyon, unti-unting bumagsak ang kanilang pamilya.

Ang natitirang mga ari-arian ay minana ng kanyang ina.Pero dahil hindi ito marunong mamahala ng negosyo at dumaranas pa ng problema sa pag-iisip, ipinagkatiwala nito ang lahat ng pamamahala sa asawa nitong si Leonardo.

Hindi nagtagal ay naghiwalay din ang kanyang mga magulang. Nagpunta sa ibang bansa ang kanyang ina upang magpagaling at magpagamot. 

Samantala, nanatili sa kanyang ama ang pamamahala sa kumpanya. Hindi niya inakalang habang lumilipas ang ang mga taon, palihim na inilipat ng ama sa sarili nitong pangalan ang lahat ng ari-arian ng kanyang ina.

Sa nakalipas na mga taon, lumaki si Althea sa piling ng kanyang ama.Palagi siyang pinapaboran nito,Hinahayaan siyang maging spoiled at matigas ang ulo.

Kahit madalas siyang sumagot sa kanyang madrastang si Elizabeth at sa anak nitong si Celina, hindi siya kailanman pinagalitan ng kanyang ama.

Akala niya...

Isa siyang prinsesang mahal na mahal ng kanyang ama.Pero ngayon, saka lamang niya nalaman ang buong katotohanan.Pinakasalan pala ng ama ang kanyang ina para lamang makuha ang kayamanan ng kanyang lolo.

At higit pa roon…

Si Celina pala ay tunay nitong anak.

Ang amang matagal niyang iginalang at minahal...

Isa pala itong mabangis na lobo na nagkunwaring mabuting tao.Para maihanda ang magandang kinabukasan ni Celina.Hindi ito nagdalawang-isip na sirain ang kanyang dangal.Hindi ba siya anak nito?

Bakit nagawa siyang isakripisyo nang ganoon kadali?Parang pinipiga ang puso ng babae sa sobrang sakit.Tahimik siyang bumalik sa kanyang silid.

Pagkahiga sa kama, ibinaon niya ang mukha sa unan at saka isinigaw ang sakit na kanyang nararamdaman. Hindi natagal ay napuno na ng luha ang kanyang unan.

...

Lumipas ang dalawang buwan.

Ginawa na ang engrandeng engagement party nina Celina at Sebastian.Tahimik na pinanood ni Althea ang pagpapalitan nila ng singsing.Napangiti siya,ngunit puno iyon ng pangungutya at pait.

Pagkatapos ng seremonya, tahimik siyang lumabas ng hotel kung saan ginanap ang kasal.Maya-maya lang ay mabilis na sumunod sa kanya si Celina, suot ang mataas nitong stilettos.

Huminto ito sa harap niya at pinagmasdan ang napakagandang mukha ni Althea.Nawala ang maamo nitong anyo.Napalitan iyon ng mapanghamon na ngiti.

“Althea,” mapanuyang sabi nito, “alam mo bang matagal ko nang hinihintay ang araw na ito?”

Ngumisi ang babae.

“Pinagtiisan ko ang masama mong ugali sa loob ng maraming taon para makita kang bumagsak nang ganito. Yung tipong wala ng matitira sayo at ang sarap pala sa pakiramdam na makita kang nasa pinakailalim.”

Ngumiti si Celina.

“Sabihin ko na rin sa'yo ang totoo, matagal na kitang kinaiinisan. Pinangako ko sa sarili ko na lahat ng mayroon ka, ay magiging akin. ”

Saglit itong huminto. 

“Kahit ang lalaking dapat mapapangasawa mo ay akin na, ako na ang magiging Mrs. Dela Cruz. Ang tingin mo sakin dati ay isa akong pabigat sa pamilya, pero tingnan mo ngayon. Mas magiging maganda na ang buhay ko kaysa sayo.”

Humakbang pa ito palapit.

“Hindi ba matagal mo na akong minamalit pati ang nanay ko? Ngayon, ang tatay mo na ang namamahala sa kumpanyang iniwan ng lolo mo. kami na rin ang magiging bahagi ng mataas na lipunan. Kung hindi mo kami matanggap, sorry na lang dahil wala ka ng magagawa. ”

Lalo itong lumapit kay Althea, sabay biglang ngumiti ng nakakaloko.

“Kung hindi lang gusto ni Papa na mapangasawa ko si Sebastian, matagal ka na sana niyang ipinadala sa ibang bansa.”

Ngumiti ito nang may pangungutya.

“Ngayong engaged na kami, oras na para umalis ka dahil hindi ka na namin kailangan dito. Sumunod ka na lang sa baliw mong nanay sa ibang bansa.”

Mabilis na nanlisik ang mga mata ni Althea, hindi na niya napigilang itaas ang kanyang kamay. 

Akmang sasampalin niya si Celina ngunit bago niya pa ito magawa ay malakas siyang itinulak ni Sebastian.

“Hindi ka ba talaga titigil? Si Celina na ang fiancée ko ngayon, kung hindi mo ito matanggap problema mo na iyon. Pero wag mong tatangkain ulit na saktan siya dahil hindi kita palalampasin!”

Pagkasabi niyon, niyakap nito si Celina at magkasama silang bumalik sa loob ng hotel.

Naiwang mag-isa si Althea nang bigla siyang nakaramdam ng matinding hilo, parang umiikot ang kanyang sikmura at bigla siyang nagsuka.

Agad siyang nagtungo sa ospital para mag pa-check up dahil ramdam niya na hindi maganda ang kanyang pakiramdam.

...

Sa ospital, agad siyang sinuri ng doctor sumailalim siya sa iba’t ibang uri ng test para malaman ang naging sanhi ng kanyang pagsusuka at pagkahilo. Umabot ng isang oras ang kanyang paghihintay sa resulta ng mga isinagawang test sa kanya.

Nang makabalik ang doctor ay labis na kaba ang kanyang nararamdaman. Seryosong binabasa ng doctor ang naging resulta ng kanyang mga laboratories. 

“Doc ano pong balita? May sakit po ba ako?” nag aalalang tanong niya.

“Wala kang sakit iha kaya wag ka na mag alala.” naka ngiting sagot ng doctor. 

“Eh kung wala naman po pala akong sakit, bakit po ako nag susuka at nahihilo. Pang ilang linggo na po kasi nang maramdaman ko ito.” 

“Natural lang na sintomas yan ng pagbubuntis.” parang biglang nabingi ang dalaga sa kanyang narinig.

“A-ano pong sabi niyo? Pakiulit nga po kasi medyo hindi malinaw eh.”

“Ang sabi ko, congratulations po dahil buntis ka.”

Agad na nanlaki ang kanyang mga mata, parang sirang plaka ang boses ng doctor sa utak niya dahil paulit-ulit niyang naririnig ang huling binanggit nito.Paulit-ulit siyang umiling.

“Hindi... Hindi maaari...paano nangyari iyon?”

Umiling din ang doktor.

“Hindi nagkakamali ang resulta ng laboratories mo, pero kung gusto mo makasiguro pwede naman natin ulitin ang lahat ng test. Kung iyon ang ikakapanatag ng loob mo.”

Mariing kinagat ni Althea ang kanyang labi, matagal siyang hindi nakapagsalita. Hindi niya alam kung ano ang dapat niyang gawin. Hindi niya maintindihan ang kanyang nararamdaman, isang beses lang nangyari iyon kaya nagtataka siya kung bakit nabuntis siya agad. 

Ang masaklap pa ay hindi niya man lang kilala ang ama ng dinadala niya. Maya-maya ay huminga siya ng malalim bago nagsalitang muli.

“Doc...hindi ko po maaaring ituloy ang pagbubuntis na ito.”

Kakaabot pa lamang niya sa wastong edad.

Paano niya haharapin ang isang pagbubuntis sa ganitong sitwasyon?