Ice - Breaker

 

Amoy ng mabangong almusal ang bumungad sa pupungas-pungas na si Nimuel nang lumabas ito ng silid. Sa kwarto ni Tala siya dati natutulog, pero dahil dadalawa lang ang kwarto ng condo na inuupahan nila, napasiksik siya sa kwarto ni Limuel para ibigay kay Tala ang kwarto niya. Kung ganito naman kaganda ang magigisnan niyang umaga, okay na rin na naging squatter siya sa kwarto ni Limuel.

Nakaupo na sa lamesa si Limuel habang umiinom ng kape. Sa kusina ay nakatalikod naman si Tala habang sinasandok ang niluto nitong ulam. Sanay naman si Nimuel na may babae sa condo, gaya ng girlfriend ni Limuel na si Vanessa or kung sinumang babaeng nauuwi niya paminsan-minsan, pero syempre, iba si Tala. Iba ang babaeng probinsyana, isang tunay na dalagang Pilipina. Napansin niyang nakatitig sa kanya si Limuel habang nakatitig siya kay Tala, nagbaba siya ng tingin sa pagkain sa lamesa.

 

“Wow! Saan galing yan? Amoy luto ni Mamang ah…bagay to kung may kasamang tuyo!”

“Hindi nagpadala s