Chapter 49: Pamamaalam

Prinsesa Atyrrah POV

Naghabulan sa pagtibok ang aking puso dahil alam kong nakikita ako ng Prinsesa Atirrah. Nakangiti siya at nananatiling nakatayo sa lugar kung saan namin siya nakita. 

Hinawakan ko ang pinto ng sasakyan ngunit natigil nang maalalang hindi ko alam kung paano ito buksan. Napatingin ako sa Ginoo na malalim ang tingin sa'kin at magkasalubong ang kilay. Seryosong-seryoso siya na aking ikinabahala. 

"Ginoo, pakibuksan, pakiusap" ani ko pero nananatili siyang nakatingin sa'kin. Hindi ko mabasa ang kaniyang isipan. Natatakot ako sa kaniyang iniisip at nararamdaman. "Ginoo..."

"Hindi ka naman aalis diba?" natulos ako sa kinauupuan nang sabihin niya iyon. Napipi ako dahil doon. Hindi ako nakapagsalita, hindi ko alam ang sasabihin. "Diba, di ka naman aalis?" Tanong niya ulit ngunit hindi pa rin ako sumagot. 

"Ginoo..." hindi ako makaapuhap ng salitang makakapagpahinahon sa kaniya. Natatakot ako sa nararamdaman niya. Pero sin