Chapter 53: Pagtitipon

Prinsesa Atyrrah POV

Umalis ang Prinsesa Atirrah sa aking silid sa pagsundo ni Narnion, ang aking pamangkin. Hanga ako sa taglay na talino ng batang iyon. Aniya ay kailangan ng umuwi ng kaniyang Ina bago dumating ang Ama niyang Hari. 

Ngayon ay mag-isa na ako sa silid kung saan nakakulong ako sa ilalim ng maitim na kapangyarihan. Kapangyarihan na pumipigil sa akin na makalabas. 

Bumukas ang pinto at iniluwa ang nakangiting si Lucidiro. Hindi na nga yata mapapatid ang ngiting ito. Mula nang mapunta ako sa kaniyang puder, tila naukit ang ngiting iyon sa kaniyang mukha. Alam kong mahal niya ako kaya ganiyan nalang ang tuwa niya pero ang pakiramdam namin ay hindi parehas.

Pagkadisgusto ang nararamdaman ko sa kaniya. 

"Balak ko sanang dito ka na pakainin ngunit nalaman ng mga pinuno na narito ka kaya nagsipunta agad sila" pinukol ko ng nagdududang tingin si Lucidiro na agad umiwas ng tingin. 

May tinatago siya.

"Sinu-si