HOT NA BODYGUARD - FINALE

Ngunit ang hindi alam ni Kael ay, sa kabila ng lahat ng kanyang pangamba, si Loreen ay hindi na natatakot. Napagdesisyunan niya na hindi niya pababayaan si Kael. Ang pagmamahal niya kay Kael ay kayang  higit ang takot at kahit anong sabihin ng kanyang ama ay ipiaglalaban niya ito.

“Loreen, hindi ko kayang hayaang maging pabigat si Kael sa pamilya natin.” Panimula ni Don Emilio  dahil hindi nila namalayang bumaba na pala ito, “Alam mo kung gaano kahalaga ang ating pangalan at ang ating lugar. Kung magkakaroon tayo ng problema dahil sa relasyon niyo, hindi ko ito kayang tanggapin. Mabait si Kael pero para lng maging bodyguard mo. Ano nalang sasabihin ng tao kung malaman nilang ang unica hija ko ay nakapag-asawa ng bodyguard lang? Ang dami pa namang nirereto sa iyo ng mga Auntie mo na mayayamang business man.”

Tinitigan niya ang ama at nagsalita ng may lakas ng loob. “Hindi ko kayang iwan si Kael, Dad. Mahal ko siya. Wala akong pake sa sasabihin ng iba.”

“Loreen, hindi mo alam ang pinapasok mo.” Ang tono ni Don Emilio  ay naging mas matapang. “Hindi ito laro. Kung magsasama kayo, magiging pabigat sa pamilya natin. Ano nalang ang maitutulong niya? Kung nakapangasawa ka ng kalevel natin ay matutulungan pa tayo sa negosyo.”

Subalit si Loreen ay hindi nagdalawang-isip. “Talaga Dad? Iyon ang iniisip mo? Hindi ang kasiyahan ko? Hindi ko kayang mawala siya. At hindi ko kayang mawalan ng pagkakataong magkaruon ng tunay na taong mamahalin ko.” Ang tinig niya ay puno ng tapang at hindi na niya iniiwasan ang mga mata ng kanyang ama.

Habang nagkakaroon ng tensyon, si Kael ay nagkaroon ng lakas ng loob. Naglakad siya patungo kay Don Emilio  at tumingin nang deretso sa mata nito. “Don Emilio , naiintindihan ko po ang mga alalahanin niyo. Ngunit, kung ang pagmamahal ko kay Loreen ang magiging problema, handa akong pagdaanan ang lahat. Hindi ko po siya pababayaan.”

Ang mga salitang iyon ay nagpangiti kay Don Emilio . Hindi siya makapaniwala na si Kael, ang kanyang dating tahimik na bodyguard, ay may ganitong lakas ng loob. Nakatingin siya kay Kael at sa mga mata ni Loreen, at doon niya napagtanto na hindi niya kayang paghiwalayin ang mga ito. Na sa kabila ng lahat ng takot at galit na nararamdaman, may mga bagay na hindi mo kayang kontrolin. 

At iyon ay pagmamahal.

Aaminin niyang nabahala siya pero kampante naman siya kay Kael. Sinabi niya lang iyon kanina para ma-test kung ipaglalaban ba nang dalawa ang kanilang pagmamahalan.

Nilingon ni Don Emilio  si Loreen bago bumuntong hininga, “Talagang mahal niyo ang isa’t isa ha. Pumasa kayo sa hamon ko”

“Ha?! Anong hamon?”

“Gusto ko lang malaman kung mature ka na ba para sa isang seryosong relasyon, anak.” Sabi ni Don Emilio .

“Dad! Ano bang tingin mo sa akin? Bata?”

Ngumiti si Don Emilio . “Masaya ako para sayo, hija. Sana ay alagaan niyo ang isa’t isa. Hindi ko tinitignan ang estado mo sa buhay Kael, basta ang mahalaga ay magsipag siya para maibigay ang buhay na pareho niyong gusto.”

“Makakaasa po kayo Sir.” Sagot ni Kael na mas kalmado na ngayon at prang hindi kabang-kaba kanina.

“Paano, kailan niyo ba ako bibigyan ng apo niyan? Tumatanda na ako.”

“Dad!” Sigaw ni Loreen.

“Ano?!” Natatawang sabi ng Don. “Ikaw bata ka! Isinusumbong ng mga maid na may naririnig daw sila na kung ano-ano. Akala nila ay may multo dito! Bahala na nga kayo!” Sabi ng Don bago iniwan sila.

Nagkatinginan ang dalawa at sabay na natawa dahil alam nila kung saan nanggagaling ang ingay na iyon.

Ang araw na iyon ay nagsilbing isang panibagong simula para kay Loreen at Kael. Hindi nila alam kung ano ang hinaharap para sa kanila, ngunit ang pagmamahal nila sa isa’t isa  ay siyang magsisilbing pundasyon para malagpasan nila ang lahat ng pgsubok na ibibigay sa kanila. 

Makalipas ang ilang buwan, dumating ang isang hindi inaasahang balita. Naramdaman ni Loreen ang ilang pagbabago sa kanyang katawan, at sa simula, hindi pa siya sigurado. Ngunit habang tumatagal, ang mga senyales ay naging mas obvious. Pumunta siya sa doktor at dumaan sa ilang tests.

Pagkatapos ng ilang araw ng paghihintay, natanggap ni Loreen ang tawag mula sa klinika. Siya ay nagdadalang-tao.

Nang malaman ni Loreen, hindi niya alam kung anong klaseng emosyon ang ipapakita. Halos hindi siya makapaniwala. Ang unang taong naisip niya ay si Kael. Nais niyang sabihin sa kanya agad, ngunit natatakot siya sa magiging reaksyon nito.

Nang makita ni Kael ang pagkabahala sa mga mata ni Loreen, nagtanong siya. “Loreen, anong nangyari?”

Bumuntong hininga si Loreen, at tumingin sa mata ni Kael na parang naramdaman niyang kailangan niyang magpakatatag para sa kanilang dalawa. “Kael… buntis ako.”

Saglit na katahimikan ang namayani sa pagitan nila. Tinitigan ni Kael si Loreen habang bahagyang nakaawang ang labi bago ito ngumiti nang sobrang lapad. “Ang saya saya ko, Loreen, nagbunga ang pagmamahalan natin dalawa.”

“Hindi ka galit? Hindi mo ko iiwan?” Tanong ni Loreen.

“Bakit ko naman gagawin iyon, mahal?”

“Baka hindi ka ready na maging Tatay.” 

“Eh naimagine ko na ikaw ang kasama ko sa pagtanda habang pinapanood natin ang mga magiging apo natin na naglalaro!” Masayang sabi ni Kael.

“Wow, masyado ka namang advance! Eh dati nga ang suplado mo pa sa akin!”

“Mahal naman, dati na iyon eh. Wag mo nang ibalik.” Sabi ni Kael habang nagkakamot ng batok at bahagyang nakayuko.

Nag-asaran at nagharutan pa ang dalawa bago nag-usap sa magiging future nilang magkasama. Sa nakalipasan na buwan ay madalang nalang pumarty si Loreen at lagi nalang silang nagkukulong sa kwarto ni Kael at gumagawa ng makamundong bagay na ngayon ay nagbunga na. Masaya naman siya.

“Mahal, gusto ko ng noodles. Yung mainit.” Biglang sabi ni Loreen.

“Okay, mahal. Anong gusto mong flavor? Seafood? Beef? Ioorder kita sa restau.”

“Chocolate.”

“Ha?” Napamaang si Kael.

“Noodles pero chocolate ang nakahalo. Please, mahal?” Nagpacute pa si Loreen.

“Ang weird pero sige para sayo. Alis muna ako ha? Kailangan ko atang gawin ang best ko para mahanap yan.” Sabi nito bago hinalikan si Loreen sa labi. 

Nabuksan niya na ang pinto ng biglang magsalita si Loreen.

“Kael?”

“Yes, mahal?”

“Bilisan mong umuwi ha? May reward ako sayo na siguradong magugustuhan mo.” Nang-aakit na sabi nito at kinagat ang labi. Bahagyang ibinababa niya rin ang strap ng suot na night gown.

“Mahal, pwede bang bukas ka nalang mag-crave? Ako nalang ang magpapainit sayo.” Sabay kindat ni Kael.

WAKAS.