HOT NA BODYGUARD - V

Hanggang isang gabi, hindi na niya napigilan ang sarili.

Kumatok siya sa kwarto ni Kael at hindi na naghintay ng sagot bago pumasok. Nakatayo ito sa tabi ng kama, waring nagulat sa pagdating niya.

“Loreen, anong ginagawa mo dito?” tanong nito, napakunot-noo, halatang hindi handa sa pagpasok niya.

“Alam kong natatakot ka. Alam kong iniisip mo kung ano ang mangyayari kapag nalaman ng lahat…” Lumunok siya at marahang hinawakan ang kamay nito. “Pero ayokong matakot, Kael. Gusto kong sumugal.”

“Loreen—” nagsimulang magsalita si Kael ngunit agad niyang pinutol ito.

“Sabihin mong ayaw mo,” bulong niya, halos hindi na lumalabas ang tinig. “Sabihin mong wala kang nararamdaman. Sabihin mong pagnanasa lang to.”

Sa loob ng ilang segundo, tahimik lang silang nakatinginan, at doon niya nakita ang pag-aalangan sa mga mata ni Kael. Parang may tinutulak itong emosyon, pero hindi nito kayang itanggi.

At sa isang iglap, naglaho ang natitirang pagpipigil.

Hinila siya ni Kael papalapit, at nagtagpo ang kanilang labi sa isang halik na puno ng pananabik at pagnanasa. Mas mapusok ito kaysa noong una, mas malalim, at mas totoo. Ramdam ni Loreen ang init ng katawan nito na humahalo sa kanya.

Dahan-dahan siyang isinandal ni Kael sa pinto, ang kamay nito ay mahigpit na nakayakap sa kanyang baywang habang patuloy silang naghalikan. 

Hinawakan niya ang mukha nito at marahang nagtanong, “Bakit mo pinipigilan ang sarili mo?”

Huminto si Kael at tinitigan siya nang malalim. “Dahil kapag bumigay ako, wala nang balikan, Loreen.”

Ngumiti siya, hinila ito papalapit, at buong tapang na sinagot, “Wala na talagang balikan.”

Hinawakan ni Kael ang kanyang mukha, hinaplos ito nang buong pag-iingat, na para bang isa siyang bagay na babasagin at kailangan laging ingatan. Muli siyang siniil nito ng halik, ngunit sa pagkakataong ito, mas malambing at mas puno ng emosyon.

Habang gumapang ang kanilang mga labi sa isa’t isa, naramdaman niyang wala nang atrasan. Buo na ang loob niyang lumaban para sa kanilang dalawa, anuman ang kaharapin nila bukas.

Bumagsak sila sa kama, at sa pagitan ng mga bulong at haplos, ramdam niya ang init ng pagmamahal na pilit nilang nilabanan noon. 

“Pasensya ka na dahil iniwasan kita. Napag-alaman kong minamatyagan din ako ng mga kaaway ng Dad mo. Kapag nalaman nilng ikaw ang kahinaan ko, baka ikaw pa ang targetin. Pinoprotektahan lang kita.

Tumango-tango si Loreen. “Naiintindihan ko. Salamat… at pasensya na rin kung lagi akong nagagalit sayo.”

“Loreen… hindi ko alam kung masyado pang maaga para sabihin ito pero mahal kita,” bulong ni Kael sa kanyang tainga bago siya nito hinaplos sa pisngi at nag-iiwan ng banayad na halik sa kanyang noo.

Napangiti si Loreen at  pinagdikit ang kanilang mga noo, “At mahal din kita, Kael.”

Habang patuloy na lumalalim ang ugnayan nina Loreen at Kael, ang mundo nila ay biglang nabago nang dumating ang isang pagsubok na hindi nila inaasahan. Hindi nila kayang itago ang pagmamahalan nila mula kay Don Emilio .

 Bilang isang makapangyarihang tao, ang mga mata nito ay matalim, at hindi nila nakaligtasan ang mga galaw ng kanilang relasyon. Mas lalo kasi silang naging sweet magmula nang magkaaminan sila ky marahil napansin na rin ito ng Dad ni Loreen.

Isang gabi, naghintay si Loreen sa sala habang ang kanyang ama ay nasa silid nito at kinakausap si Kael marahil patungkol sa trabaho. May balak naman itong sabihin sa kaniya pero humahanap lang siya ng tamang timing. 

Nabahala si Loreen nang nakita niyang unti-unting nawawala ang mga ngiti sa mukha ni Kael habang siya ay naglalakad papunta sa kanya. 

“Loreen, may nangyari.”

Tumingin siya kay Loreen, at makita ang takot sa mga mata nito. 

“Ano yun, Kael?” tanong ni Loreen, habang ramdam na niya ang kaba,. “Ano’ng nangyari?”

“Nalaman ng iyong ama.” Hindi niya kayang idaan sa madaliang salita. “Si Don Emilio … nagalit siya, Loreen.”