HOT NA BODYGUARD - II

Pagdating nila sa bahay, agad siyang bumaba at dumiretso sa kanyang kwarto. Ngunit kahit na gusto niyang matulog, hindi niya maiwasang isipin ang si Kael.

Ugh, ano bang meron sa lalaking iyon at masyado niyang ginagambala ang isip ko! Oo pogi siya pero duh?! Sa tanang buhay niya ay napapaligiran siya ng mga magagandang lalaki at sila p ang nagkakandarapa para sa kaniya kaya hindi na ito dapat bago!

Tumingin siya sa bintana at nakita niya itong naka-duty pa rin sa labas. Ito ay nakatayo sa gilid ng kanilang gate na parang isang estatwa. 

“Bakit kaya ang suplado nun?” bulong niya sa sarili habang nakatingin pa rin dito. Hindi niya namalayang nakangiti na siya.

Humiga siya sa kama at pumikit, subalit may kakaibang excitement siyang nararamdaman.

Para sa kanya, si Kael ay isang bagong challenge at gusto niyang malaman kung paano ito masusubok.

Sa mga sumunod na araw, walang ginawa si Loreen kundi asarin si Kael. Sanay siyang ang mga bodyguard niya ay madaling kausapin, madaling utuin, madaling paikutin. Pero iba si Kael. Parang may sariling mundo na hindi siya basta-basta makakapasok.

“Kael, mainit. Puwede bang ikaw na lang magdala ng bag ko?” reklamo niya habang naglalakad sila papunta sa isang boutique sa mall.

Tiningnan siya nito na walang emosyon sa mukha. “Hindi ko trabaho ‘yan, Loreen.”

Napabuntong-hininga siya. “KJ mo naman,” aniya sabay irap. Kahit kailan hindi niya nakita si Kael na ngumiti o kahit man lang sumagot nang may lambing.

Sinadya niyang pabagalin ang lakad niya, pinapabayaan ang strap ng bag niyang dumulas sa kanyang balikat. Sa isip niya, baka sakaling mapilit niya si Kael na tulungan siya.

“Ugh, Kael, please?” kunwari’y nagmamakaawa siya. Iniiba niya pa ang tono nito.

“Kung hindi mo kayang bitbitin ang bag mo, huwag mo nang dalhin.”

Napanganga si Loreen. Sa lahat ng lalaking nakilala niya, ngayon lang may humindi sa kanya nang direkta. Nagpanting ang tenga niya pero hindi siya papayag na matalo sa laro nila ni Kael.

“Hays bahala ka,” sabi niya sabay hagis ng bag sa sahig. “Huwag mo na akong sundan.”

Pero bago pa siya nakalayo, mabilis na dinampot ni Kael ang bag at inabot ito sa kanya. “Bitbitin mo,” anito na puno ng awtoridad.

Napatulala siya. Sa halip na mainis, may kung anong kilig siyang naramdaman. Bakit ganoon? Parang iba si Kael. Hindi siya basta-basta nagpapadala sa mga kapritso niya.

Kinagabihan, sa bahay nila, abala si Loreen sa harap ng salamin. Naka-nightgown siya na manipis at hapit sa kanyang katawan, sapat para ipakita ang kanyang makurbang pigura. Alam niyang maraming lalaki ang nahuhumaling sa kanya sa isang tingin lang.

Tumingin siya sa bintana at nakita niyang nakatayo si Kael sa labas tulad ng nakagawian nito. Naka-cross arms ito at parang may malalim na iniisip.

Isang mapanuksong ngiti ang gumuhit sa kanyang labi.

Dahan-dahan siyang lumabas ng kwarto at pumunta sa may entrance nila saka sinadyang dumaan sa harapan ni Kael. “Kael, hindi ka ba napapagod? Puwede ka namang pumasok sa loob at maupo sandali.”

Hindi siya nito nilingon. “Dito lang ako.”

Napairap siya at sinadyang lumapit. “Alam mo, hindi ka dapat masyadong seryoso. Nakakatanda ‘yan.”

Napatingin si Kael sa kanya at para sa isang segundo, nagtagpo ang kanilang mga mata. May kung anong init na dumaloy sa kanyang katawan pero agad ding ibinaling ni Kael ang tingin.

“Hindi ako nakikipagbiruan, Loreen. Ginagawa ko ang trabaho ko.”

“Tsk. Napaka-KJ mo talaga,” sabi niya pero sa loob-loob niya, gusto niyang subukin hanggang saan ang pasensya nito. Malandi siyang tumawa tsaka pabirong hinampas ang dibdib ng binata.

Parang siya pa ang nasaktan dahil sa tigas nito. 

Napansin niyang parang mas lalo pang naging tensyonado si Kael base sa kung paano siya tumindig ngayon at hindi niya alam kung bakit siya natutuwa roon.

Hmmm, may effect naman pala ako sa sungit na ito.

——

Minsan, sinubukan ni Loreen kay Kael ang isa sa mga paborito niyang pang-aakit . Habang nasa pool area siya, sinadya niyang pumili ng pinaka-sexy niyang swimsuit at naglakad papunta sa gilid kung saan naroon si Kael.

“Kael,” malanding sabi niya habang iniayos ang kanyang buhok. “Gusto mo bang samahan ako rito?”

Hindi siya nito nilingon. “Nandito ako para magbantay, hindi para mag-enjoy.”

Naglakad siya papalapit dito at sinadyang tapikin ang balikat nito. “Kailangan mo rin namang mag-relax minsan, ‘di ba?”

Sa wakas, tumingin ito sa kanya, at doon niya nakita ang malamig ngunit mariing titig nito. “Loreen, ‘wag mo akong subukan.”

Sa halip na matakot, isang mapanuksong ngiti ang gumuhit sa kanyang labi. “Pakipot pa ang lalaking ito ha,” bulong niya, saka dahan-dahang naglakad pabalik sa pool.

Nagtampisaw siya sa pool habang sinasadyang ipakita ang malulusog nitong hinaharap. Tinitignan niya pa si Kael na iwas na iwas ang tingin sa kaniya. 

Sinadya niya pa ngang basain si Kael at baka sakaling maghubad ito ng pang-itaas sa harap niya dahil basa na ito pero as usual… failed na naman si Loreen dahil lumayo lang nang kaunti si Kael pero sapat pa rin na makita siya.

Kahit anong gawin niya, tila ba may pader na hindi niya kayang gibain pagdating kay Kael.