HOT NA BODYGUARD - III

Isang araw, habang nasa isang event si Loreen, hindi niya maiwasang mapansin ang tingin ng mga tao sa kanya. Nakasuot siya ng isang pulang dress na nagpapakita ng kanyang mga balikat at legs. Ramdam niyang lahat ng mata ay nasa kanya, pero isang pares lang ng mata ang hinahanap niya at iyon ang kay Kael.

Nakatayo ito sa gilid, pinagmamasdan siya mula sa malayo. Hindi niya alam kung naiinis ba ito o naaaliw, pero gusto niyang alamin.

Lumapit siya rito at sinabing, “Kael, ano sa tingin mo?”

“Sa alin?” tanong nito, kunwaring walang pakialam.

“Sa suot ko,” aniya, sabay kagat sa labi. “Okay ba?”

Sandaling tinitigan siya ni Kael, pero agad din nitong ibinaling ang tingin. “Kung ayaw mong makakuha ng atensyon, sana hindi mo ‘yan suot.”

Napataas ang kilay niya. “At ano naman ang pakialam mo?”

“Hindi ko gusto ang tingin ng mga tao sa’yo,” malamig nitong sagot.

Nagulat siya. Sa unang pagkakataon, naramdaman niya ang kakaibang tono sa boses ni Kael, parang pag-aalala? Bago pa siya makasagot, hinila na siya nito palayo sa karamihan.

“Uuwi na tayo,” madiin nitong sabi.

Habang nasa sasakyan, hindi mapakali si Loreen. Parang may bumabagabag sa kanya. 

Pagdating sa bahay, hindi na siya nakatiis.

“Kael,” tawag niya habang sinusundan ito papasok. “Bakit ba ang sungit mo sa akin?”

Huminto ito at tumingin sa kanya. “Kung ang pagtatrabaho ay pagsusungit na para sa iyo ay hindi ko na problema yon, Loreen. Hindi lahat ng tao ay makukuha mo. ”

“Trabaho lang?” ulit niya. “Sigurado ka?”

Bahagyang tumaas ang kilay ni Kael. “Oo.”

Napangiti siya at lumapit pa rito. “So, ibig sabihin, wala ka talagang nararamdaman? Kahit kaunti?”

Sandali siyang pinagmasdan ni Kael, at sa loob ng ilang segundo, may kung anong tensyon sa pagitan nila. Pero bago pa siya makapagsalita, umiwas na ito.

“Dapat ka nang magpahinga,” anito saka tinalikuran siya.

Naiwan siyang tulala, pero hindi siya titigil. 

“Ayoko!” Sabi ni Loreen.

Lumingon sa kaniya si Kael at tinaasan siya ng kilay. 

“Kael, ang lamig lamig pa naman oh. Samahan mo muna ako. Doon muna kayo tayo sa room ko dahil may heater doon?”

“Magkumot ka.” Sabi ni Kael saka nagpatuloy na sa paglalakad at iniwan siyang tulala.

‘Arghhh! Ang lalaking iyon talaga. Tignan nalang natin kung anong magiging reaksyon niya sa gagawin ko.’ Sa isip ni Loreen

Pumunta siya sa loob ng kwarto para magbihis. Naka-suot siya ng isang manipis na satin robe na halos hindi maitago ang kanyang lingerie sa ilalim. Naglalakad siya papunta sa kusina. Alam niyang naroon si Kael sa may sala na nakaupo sa sofa. 

Buti nalang talaga at busy ang Daddy niya kaya wala ito sa bahay ngayon. Ang mga maid ay nasa kani-kanilang kwarto kaya malaya siya na gawin ang gusto nya.

Nakangiti siya habang dahan-dahang lumapit dito, sinadya niyang magpabagsak ng isang baso sa mesa upang makuha ang atensyon nito.

Napatayo agad si Kael. “Anong nangyari?”

Kagat-labi si Loreen habang pinulot ang baso. “Sorry, nadulas lang ako.”

Napatingin si Kael sa kanya at kahit madilim ang ilaw, kita niya ang bahagyang pagbabago sa mukha nito. Parang nag-aalangan. Hindi ito makatingin nang diretso sa kanya, at iyon ang lalong nagbigay kay Loreen ng lakas ng loob.

“Lika, Kael,” sabi niya, lumapit nang bahagya. “Samahan mo naman ako saglit. Gamutin natin kasi nasugatan pala ako dahil sa baso.”

“Hindi ko trabaho ‘yan, Loreen. Ipapatawag ko ang family doctor niyo.”

Napangiti siya at humakbang palapit. “Ang OA mo naman. Doctor agad?” Sinadya niyang ilapit ang katawan sa kanya halos dumidikit na ang kanilang balat. 

Napansin niyang lumalim ang paghinga ni Kael pero agad nitong iniwas ang tingin. “Bumalik ka na sa kwarto mo.”

Imbes na sumunod, sinadya niyang abutin ang manggas ng suot nitong shirt at hinila ito pababa, sapat para madama ang init ng kanyang palad sa balat nito.

“Ang tigas mo naman,” bulong niya, tumataas ang kilay. “Bawal bang makipagkaibigan?”

Hinawakan ni Kael ang kamay niya at dahan-dahang inilayo mula sa kanya. “Loreen, alam mong hindi ito tama.”

Pero imbes na umatras ay lalo pang lumapit si Loreen. “Bakit? Dahil ba sa trabaho mo? O dahil natatakot kang may maramdaman?”

Tahimik si Kael. Hindi ito umuurong pero hindi rin ito lumalapit.

Kahit ganoon, may nakita si Loreen sa mata nito na bahagyang pag-aalinlangan.

“Kahit isang beses lang, Kael,” bulong niya habang inilalapit ang mukha sa kanya.

Napasinghap si Kael nang dumampi ang malambot niyang labi sa leeg nito. Sa isang iglap, naramdaman niyang humigpit ang hawak nito sa kanyang braso, hindi na kasing gentle gaya kanina.

“Loreen, tama na.”

Ngunit sa halip na makinig, hinawakan ni Loreen ang batok nito at marahang hinila papalapit. “Kung gusto mong itigil, itulak mo ako,” hamon niya habang nakatitig sa labi nito.

Alam niyang kaya siyang pigilan ni Kael anumang oras, pero hindi ito gumalaw. Tinitigan lang siya nito nang matagal, at doon niya napatunayan na may kung anong pinipigilan si Kael.

Isang segundo pa, naramdaman niya ang marahas na paghawak nito sa bewang niya, at sa isang iglap, isinandal siya nito sa dingding.

“Alam mong mali ito, Loreen,” bulong nito, ang boses ay mababa at puno ng babala.

Ngunit imbes na matakot, lalo lamang siyang naintriga. “Pero gusto mo rin,” sagot niya habang idinidiin ang sarili sa matigas nitong katawan.

Napapikit si Kael, hinigpitan ang hawak sa kanya, at sa wakas, bumigay.

Naramdaman ni Loreen ang init ng hininga nito sa kanyang balat bago tuluyang lumapat ang labi ni Kael sa kanya. Hinalikan siya nito ng mainit, marahas, at puno ng matagal nang pinipigilang pagnanasa.

Napasinghap siya nang maramdaman ang kamay nito na gumapang sa kanyang baywang at hinihila siya palapit habang ang halik nito ay lalong nagiging mapusok.

Ngunit bago pa siya tuluyang matangay, bigla siyang binitiwan ni Kael at lumayo.

“Hindi ko dapat ginagawa ‘to,” bulong nito, nakayuko at pilit na kinakalma ang sarili.

Humakbang si Loreen palapit at hinawakan ang mukha nito. “Ginagawa mo na,” sabi niya, nakangiti. “At gusto mong ulitin.”

Napatingin si Kael sa kanya, at kahit hindi ito sumagot, alam niyang tama siya.

“Ano na, Kael? Ituloy na natin. Init na init na ako. Wag mong sabihin na kaya mo pa akong tiisin,” Bumaba ang tingin ni Loreen sa pantalon ni Kael at ngumisi, “Eh readyng-ready na lumaban ang alaga mo.”