Chapter Thirteen

"Kumusta ang ipinapagawa ko, Jerry?" salubong na tanong ni Clarence sa bagong dating na PI.

"Sa tingin ko, Sir, ito ang laban na kailangan nating panoorin," tugon nito saka naupo sa itinuro niyang upuan.

Sa narinig ay napatingin siya sa panauhin. Mukhang may nalaman agad ito. Actually, private investigator ito kaso bihira lang ang kagaya niyang nakakaalam sa tunay na katauhan. Ito ang inupahan niyang manmanan ang pamilya Saavedra. Ito ang itinalaga niya sa pamilya ng binatang isinama niya sa MARGARITA six years ago. Iyon nga lang ay huli na ng maisipan niya ang bagay na iyon.

"I guess may nalaman ka na?" Napatingin siya rito. Hindi nga siya nagkamali dahil napangiti rin ito.

"Oo, Sir. Pero kagaya ng sabi ko ay ang laban na ito ay puwedi nating panoorin. Well, galing na ako sa tahanan ng mga Saavedra. Nasaksihan ko kung paano sinupalpal ni Engineer Saavedra ang mga kapatid niya. Sa tingin ko'y simula pa lamang ito ng kanilang kailangan," paliwanag nito.

Sa narinig ay napangiti siya