Chapter 55: Estranghero

“Ang mga natawag na number, sila ang nakapasa sa screening.”

Napatalon si Zein sa tuwa. Niyakap niya si Sammy. Kung hindi dahil sa binata, hindi siya makakalusot ng hindi kompleto ang requirements niya.

“Salamat talaga, Sammy!” Kumawala siya sa yakap pero nagsalubong ang mga kilay niya nang makita ang hitsura ni Sammy. Panay kasi ang iwas nito ng tingin. “Okay ka lang ba?”

“O-oo naman!” Inakbayan siya ni Sammy at pabiro siyang sinakal gamit ang braso. “Ililibre kita.”

Tinapik niya ang kamay nito. “Too early for celebration.”

Pinakawalan naman siya ni Sammy at matamis na ngumiti sa kaniya. “May dala naman akong pera. Sige na, minsan lang naman. Ililibre kita sa bagong bukas na gotto house sa bayan.”

Tumango na lang si Zein. Mapilit si Sammy. Kapag sa kaniya, palagi itong galante kaya nga, nahihiya na siya. Wala naman siyang magawa kasi talagang napakakulit ng binata.

Naglakad na lang sila papunta sa night market. Inabot na sila ng gabi sa bayan dahil sa audition. Mabuti na lang,