KABANATA LIMA: Pft, Maselan?

KABANATA LIMA: Pft, Maselan?

June 13, 2020

KARRIE'S POV

Knock knock

"What is it?" Tanong ni Aljur habang kinuha ang work outfit na inihanda ko para sa kanya. 

Mula sa pintuan, sumagot ang maid nito, "Ma'am, sir, dumating po mga magulang niyo po na sina Madam Maja at Mister Alfindo, kasama na rin po si Mister Don Machito. Inaantay po kayo sa sala."

Napangisi ako dahil alam kong dadating sila ngayon. Kagaya ng dati, hindi man lang nila pinaabot ng ilang araw ang 'supposed to be' honeymoon namin bago ito bumisita... Siyempre, alam ko kung sino may pakana.

Nakita kong kumunot ang noo ni Aljur at tumingin sa'kin, ngumiti ako at nagkusa, "Magbihis ka muna, ako muna mag-aasikaso sa kanila."

Hindi na tumanggi pa si Aljur at pumunta na sa dressing room nito bitbit ang damit niya. Ako naman ay napasaglit na dumaan sa salamin at inayos ang nakalugay kong buhok. 

Hindi na ako nag-make up pa kagaya ng ginawa ko dati. Iniba ko na rin ang dati kong gustong damit na mga fluffy dresses at pinalitan ko ang style ko nang mga long slim but modest style dresses. Nagsuot pa rin ako ng robe para hindi halatang inaasahan ko sila ngayon.

Lumabas na ako ng kwarto at lumakad papuntang sala na para bang binibing mahinhin kagaya ni Maria Clara. 

Pagbaba ko ay nakita ko sina Lolo Don at ngumiti ako sa kanila. Nagmano ako kay Lolo Don at nakipag-shake hands ako kay Tito Alfindo. Mabilisan pero hindi halata naman na nakipag beso ako kay Tita Maja. "Naparaan po kayo, pasensya na po at hindi ako nakapaghanda."

Lolo Don waved his hand, "Naku hija, dumaan lang kami dito saglit, hindi naman kami magtatagal." 

Tumango si Tito Alfindo, "Nag-aalala kasi ang asawa ko sa'yo," hinawakan nito sa mga braso si Tita Maja, "Baka kasi mahihirapan ka sa unang araw. Maselan pa man din si Aljur sa pagkain."

Pft, maselan? Wala ngang sinabi si Aljur no'ng past life ko tungkol sa mga halos nasunog na naluto ko, naubos pa nga niya. Tapos maselan?

Baka si Tita Maja naseselanan. Maselan kasi hindi pa handa ang ang gusto sana niyang ireto kay Aljur... Maselan kasi wala siyang magawa na ang asawa niya, biyenan at pati si Aljur, ay pumayag nang magpakasal sa'kin kahit na ilang beses niyang sinubukang i-brainwash si Aljur na tumanggi.

Maselan kasi natatakot siyang maging successful ang relasyon namin ni Aljur at masira ang plano niya.

Hinawi ko ang buhok kong nakaharang sa gilid at nilagay sa likod na tainga ko, ngumiti ako na para bang nahihiya, "M-may inihanda po ako sa kanya kanina, pababa pa lang po siya kaya hindi pa po niya nakikita iyon."

Tinakpan ko ng bahagya ang mukha ko, "I'm not sure though if he'll like it..."

Siyempre, suportado ako ni Lolo Don sa lahat, "Magugustuhan 'yan ng apo ko! Basta ikaw!"

Umiling si Tita Maja at hinawakan ang braso ni Tito Alfindo, "Aljur is allergic to seafood, what if she made that kind of food."

Napaisip si Tito Alfindo at lumingon sa'kin ito, "Hija, ano bang niluto mo? Pwede ba namin malaman habang hindi pa nakikita ni Aljur?"

Tumango ako, "Opo! Wala rin po akong masyadong alam tungkol kay Aljur kaya malaking tulong po sa'kin ano mang suhuwestion niyo."

Ginabayan ko sila papuntang dining area kung saan nakahanda ang niluto ko nang madaling araw. Habang naglalakad kami patungo doon, napapansin kong dumadaan ang tingin ni Tita Maja sa'kin... 

Inoobserbahan na naman ako... 

Kung madali ba akong utuin at paglaruan sa mga kamay niya o hindi.

Mag-obserba ka diyan mag-isa!

Sarap mang-irap kaso dapat mabait na bata ako ngayon. 

Nang makarating kami sa lamesa, binuksan ko ang tray na naglalaman ng mga plato at bowl na may adobong manok at boiled egg kasama ng kanin. "I- ah... Wala po akong alam sa mga expensive dishes... Alam ko lang po kasing lutuin ay mga lutong bahay. Kagaya ng mga luto ni mama noon."

Pinagpatuloy ko magpaliwanag, "Naalala ko lang po kasi, kung buhay pa si mama, siguro kasama ko rin po sana siya na ilakad ako sa altar. Kaya sa pagkain ko nalang idinaan."

Pagkatapos kong magpaliwanag, lumingon ako sa kanila. Bakas sa mga mukha nila Lolo Don at Tito Alfindo ang pag-aalala at pansin kong lumambot ang mga puso nila. "Sabi sa'yo, napakamabuting bata nitong si Karrie."

Tumango si Tito Alfindo, "Tama ka nga, Papa, naniniwala na ako." Lumingon ito sa'kin, "Basta hija, allergic sa mga seafood si Aljur at higit sa lahat, ayaw nito ng mga bisyo."

Tumango ako at nagkunwaring inalala... Kabisado ko na si Aljur... Alam ko rin ang mga paborito nito... At mahilig ito sa mga local foods than exported and expensive ones.

Kaya nagluto ako ng isa sa mga paborito nito... Although totoo naman na gusto rin ni mama ang mga local foods... Pero never akong naturuan nito. Sobrang bata ko pa kay no’n.

"Alam mo ba hija, ang pabiritong mga pagkain ni Aljur ay adobo at sinigang!" Dagdag ni Lolo Don, "Kaya mabuti 'yan at 'yan ang naisipan mong iluto!" Tuwang-tuwang tinapik-tapik nito ang balikat ni Tito Alfindo.

Si Tita Maja naman ay hindi maiwasang ngumiti ng pilit, "Your mother said you don't know how to cook. Kaya sa pag-aalala, naisipan kong daanan ka." 

Umakto ako na para bang nagulat, as if naman may paki ito. Gusto lang naman akong ipahiya nito. "Naku po, tita! Sorry po at nag-alala pa po kayo. Totoo po ang sabi ni mom Sharon,"

"Mula po kasi no'ng naka graduate po ako two years ago, bihira lang po ako makauwi ng maaga at umaalis po ako ng sobrang aga rin po. Nahihiya naman po akong gisingin si mom Sharon just to cook that early." Paliwanag ko, "Kaya po nag-practice po ako pero mga simpleng luto pa lang po ang kaya ko."

"I see," Ngumiti na lang si Tita Maja, "Mabuti naman. I will send you some recipes later, send me your email soon. It could help you with some new recipes you could try at home."

Tumango ako at ngumiti ng malapad, "Thank you po, Tita, malaking tulong po sa'kin 'yon."

Ikinwento sa'kin nina Tito Alfindo at Lolo Don ang mga bagay na nalaman ko tungkol kay Aljur na matagal ko nang alam dahil narasanan ko nang makasama ito ng limang taon.

Habang nagkwekwentuhan kami, maya-maya ay bumaba si Aljur at sinalubong namin ito sa dining room.

"Lo, Pa, Ma, magpapahanda ako para sa breakfast niyo." Ani ni Aljur.

Umiling si Lolo Doon, "No, no, Karrie suggested that too but we were just waiting for you."

"We only passed by," Dagdag ni Tito Alfindo. "Your mom and I just worried, but it seems there's nothing to worry about."

Lolo Don agreed, "Well, enjoy your first day together."

Hindi na nagtagal pa ang mga ito at nagpaalam na. Nang kami na lamang ni Aljur ay sabay na kaming kumain ng breakfast. Nagulat ito sa nakita niyang inihanda ko. Ang paborito nitong pagkain. 

Ngumiti at nagpasalamat sa'kin, "Thank you for the wonderful food you cooked for me, Karrie." 

Ngumiti ako pabalik, "Walang anuman. Hindi ko inaakala na paborito mo palang pagkain ang adobong manok."

"Yes, especially adobong atay-balunbalunan." Tumayo si Aljur at pinagsalinan ako ng tubig. Nang bumalik ito sa kinauupuan, kumain kami ng sabay.

Pagkatapos kumain, bago pa ito tumayo, tinanong niya ako, "I have free time tomorrow, Should we have a date?"

Nagulat ako at napahinto sa pag-inom ng tubig. Bukas agad? "S-sure... I don't work on Sunday anyway."

"Great," Tumango si Aljur, "I have work today, but I can come home at 5 pm. Since ikaw nagluto ngayon, ako naman mamaya sa dinner. What do you like tonight?" 

Napakurap ako sa bilis ng pangyayari. Inisip ko nalang ano bang gusto ko kainin, may cravings ba ako?

"Ahm..." Ano ba paborito ko? Seafood? Eh, allergic siya doon eh... "Ahm, surprise me?"

"Alright~ I'll see what I can do." Tumayo ito at lumapit sa'kin.

Napaisip ako bigla at nagpaalam na rin, "Ahm, I want to go out today. To the favourite coffee shop I used to hang out when working."

Hindi naman ako pinagbawalan at pumayag ito, "Sure, you are free to go wherever you want. Basta magsabi ka sa'kin at dalhin mo 'yung isa sa mga maids or butler natin. Pati na rin driver. I want you to be safe."

Ngumiti ako ng malalim dahil alam kong totoo ang sinabi niya. I kissed him in the cheeks and he was stunned, "Thank you, see you tonight?"

"Yes," Kinuha niya ang kamay ko at hinalikan ang likod ng palad ko, "See you tonight, Little Kitty."

Sinamahan ko na siya palabas ng bahay hanggang sa sumakay na ito sa sasakyan. Nang makitang malayo na ang sasakyan nito, bumalik na ako sa loob ng bahay at nagbihis ulit sa kwarto

"Well, I avoided the first scheme, personal naman!" 

 ~

KL •Unang Libro• RMT:SMH