Chapter 17

Nagtagal pa ang aming yakapan dahil ninamnam namin pareho ang pagkakataon, dahil pagkatapos nito ay hindi na ito mauulit pa, sana. Lalo lang ako maiilang, lalo lang magiging awkward ang lahat. Dahil kahit ano pa 'man ang mangyari, nakakontrata naman ang lahat ng 'yon, lahat ng ito. 

Napikit naman ako nang mariin dahil hindi ko nga pala binasa nang buo ang mga nakasaad sa kontrata na 'yon. Itatanong ko na lang sa kanya kung nasaan, at muli kong mabasa 'yon. Para alam ko na 'yon nang buo. Hindi ko rin kasi alam kung kailan ito matatapos, at sa tingin ko ay tapos na rin naman kami.

Pero hindi pa tapos ang benefit na nakukuha niya sa akin kaya tuluy-tuloy lang na ganito. Hindi ko na rin alam ang sunod na magkikita-kita kami ng magulang niya. Nang gusto ko nang putulin ang aming yakapan ay mahina kong nai-tap ang kanyang likod upang sabihin sa kanya na bumitaw na