Chapter 19

Nagising ako dahil sa liwanag na ng araw na sumasalubong sa aking mukha. Inusod ko pa muna ang mukha ko para hindi ako mailawan dahil sobrang liwanag at ang init. Gusto ko pang matulog at inaantok pa ako. Pagkausod na pagkausod ko ay parang mayroon akong katabing malaking unan, pero unan ba ito? Hinawak-hawakan ko pa ito upang masuri talaga.

Ang tigas at ang laki naman nito masyado. Umusud-usod pa ako upang malaman kung ano ba ito habang nakapikit pa ako dahil alam ko kapag minulat ang mata ko ay hindi na ako makakatulog pang muli. Nang hindi ko malaman kung ano ba ito ay dahan-dahan ko nang minulat ang mata ko at naiirita pa.

"Oh my gosh!" sigaw ko pero kaagad ko ring tinakpan ang bibig ko. Napasigaw ako dahil narito lang naman si Louis. Anong ginagawa niya rito?! Nanlaki pa lalo ang mata ko nang makitang wala pa siyang suot na pang-itaas. Pinikit ko pa ang mata