10

Unti-unti ay nasa ilalim na parte kami ng dagat. Malakas na naka-kapit ako sa braso niya habang pilit parin kumawala sa hawak niya.

"I swear. If you really put me down!" pagbabala ko sakaniya.

Nakita kong tumaas ang sulok ng labi niya na tila ngumingiti ng nakakaloko.

"Don't you dare, Mr. De Vistal," bawat salita na lumalabas sa bibig ko ay may diin.

Tinatamad akong maligo ulit kaya sobrang pagka 'di gusto nalang talaga ang naramdaman ko sa kalokohan niya.

Mabilis kong ipinalupot ang mga braso ko sa leeg niya ng maramdaman kong inaakto niya na akong itapon sa tubig.

Sa sobrang likot ko habang bitbit niya ay bahagyang na-out balance siya kaya napatili na lamang ako ng natumba kami pareho sa tubig. Malakas akong napatili kaya agad na napasukan ng tubig alat ang bibig ko. Isali pa na nasa sa'kin ang may kabigatan kaya ako 'yong unang lumapat sa tubig.

Ang alat!

Mabilis niya akong hinila para maka-alis sa kakalunod.