Chapter 56.2: Maling Akusasyon

ABALA SA KANYANG binabasang medical record si Everly habang kausap niya sa kabilang linya ang kaibigang si Sheena. Tumawag ito upang mangumusta at mayroong itanong din sa kanya.

“Alam mo ang tungkol sa Elite Party, di ba?”

“Hmm, bakit mo naman natanong?”

“Na-experience ko ng pumunta doon, last year. At ang masasabi ko ay sobrang dumi niya.”

Mahinang natawa si Everly. Alam niya iyon. Kung sa iba ang labas ay upang magkaroon ng ibang kaibigan at lumawak ang kanilang sakop, mali iyon. Ang party na iyon ay walang kinalaman dito.

“Iyong may-ari ng brands na isa sa mga sponsor ko, gusto niya akong isama ngayong taon. Nagdadalawang-isip nga ako kung tatanggapin ko eh. Sa totoo ay tinatamad akong pumunta.”

“Pupunta ako ngayong taon.” anunsyo ni Everly na ikinabuhay ng mga mata ni Sheena.

“Oh my God, Everly! Tama ba ang narinig ko? A-attend ka?”

Kailanman ay hindi sumasali si Everly sa mga ganung event. Nalimitahan pa iyon lalo na noong magpakasal siya kay Roscoe. At hindi niya mapigilang