Chapter 8

Pumunta si Rizza sa bahay ng best friend niya na si Kira pagkatapos niyang kumain ng breakfast. Alalang-alala pa rin si Kira pagkakita sa kanya pagkapasok niya sa bahay nito. Alam na ni Kira kanina pagkagising niya na umuwi na si Rizza sa bahay nito. Nakasalubong kasi niya kanina ang ina ng best friend niya na si Minerva kaya tinanong na niya kung nakauwi na siya. Sinabi naman kaagad ni Minerva kay Kira na nakauwi na si Rizza kagabi at wala namang nangyari ditong masama. Hindi naman sinabi ni Minerva ang lahat sa kanya kanina kaya gusto pa rin niyang malaman ang totoo sa best friend niya.

Umupo muna sa upuan si Rizza bago nagsalita sa harap ng bessie niya na nakaupo rin paharap sa kanya. Silang dalawa lang ang magkausap. Wala doon ang mga magulang ni Kira.

"Saan ka ba galing kahapon, bessie? Ano ba ang nangyari, huh? Pinag-alala mo kami kahapon. Akala namin ay may nangyari nang masama sa 'yo. Hindi na rin ako makapakali kakahanap sa 'yo. Nakarating pa ako doon sa kabilang kalye baka k