Chapter 12

SA loob ng isang malaking mansyon, napupuno ng mga kumikinang na palamuti ang kabuuan nito. Marami ring dumadalong mga tao upang makisaya sa araw ng engagement party nila Aonani at Nicklaus. Sa bawat taong pumapasok sa loob, ganun naman karangya ang kanilang suot mula sa mga dala nilang sasakyan. Patalbugan ang mga ito ng kanilang mga mahal na kasuotan na halos ang iba'y magyabang na.

"Nandyan na siya," bulong ni Nicklaus kay Rosie nang maramdaman nito ang presensya ni Claude na nagmumula sa labas ng mansyon.

Tanging pagngiti ang sinagot ni Rosie saka patuloy na binabati ang mga pumapasok. Sa suot at itsura ngayon ng dalaga, halos lahat ng tingin ay napupunta sa kanya. At ang mga ito ay mga kalalakihan na pasulyap sulyap dito.

Kahit kasi pulang slit dress ang kanyang suot, mas kumikinang siya dahil sa kaputiang meron ito. Mapupula rin ang kanyang labi na ang kulot niyang buhok ang nagpapaangat ng kanyang ganda. Isama pa ang paraan ng pagngiti nito at pa