Chapter 14.2

Tiningnan niya ang matanda na nagpabago ng kulay sa isa niyang mata. Nanghina agad si Mr. Vlad sa pakiramdam na parang may sumasakal sa kanya kahit wala naman. Natigil lang sa pagtitig si Rosie rito nang isa na sa mga council ang pumigil sa kanyang ginagawa. Kaya sa huli, muling humarap si Rosie sa mga council na naghihintay ng kanyang sagot.

"Tama po siya ng sinabi... galing pong Orpheus clan si Claude. Anak po siya ng namumuno ng angkan na iyon."

Napasinghap ang mga nakarinig habang nanatiling walang imik ang ilan sa mga council. Nagsimulang bumalot ang pagka seryoso sa mga mukha nila dahil importante para sa kanila ang impormasyon na ito. Sa nangyari kasi sa nakaraan, ayaw na nilang maganap muli ang dapat ay matagal ng kinalimutan. Sa sobrang importante, ang marinig lamang ang pangalan ng Orpheus clan ang nagbibigay ng pangamba sa