Chapter 8

GALIT na pumasok sa mansyon si Kourtney kung saan mabilis na kinuha ng kasambahay ang bag nito ng kanya itong iabot. 

"Nasaan si Claude?!" galit na tanong nito sa kasambahay na kumuha ng kanyang bag. 

"Nasa opisina niya po, kakarating lan--" 

Hindi na natapos ng kasambahay ang sasabihin nito ng tuloy-tuloy na naglakad si Kourtney patungo sa opisina ng kanyang asawa. Walang katok-katok niyang binuksan ang pinto't malakas na sinara pagpasok nito. 

Natigil si Claude sa pagkuha ng libro sa kanyang bookshelf at napatingin kay Kourtney na may halong kaunting gulat sa kanyang mukha. Tuluyang kinuha ni Claude ang libro't lumapit sa asawa niyang hindi maipinta ang mukha. 

"Niloloko mo ba ako, Claude?" may pagtitimping tanong nito. 

Kumunot ang noo nito't nilapag ang libro sa malapit na mesa sa kanyang kaliwa. "What do you mean? What happen?" takang sagot nito na pilit hinahanap ang sagot sa mukha ng kanyang asawa.&