CHAPTER 23

ALIYA'S POV

"Uuwi na tayo ngayon," walang emosiyong bigkas ni Gavin habang kausap si Jacobe.

Nasa tabi lang nila ako pero parang ayaw talaga akong pansinin ni Gavin. Ni hindi niya ako magawang sulyapan. Parang wala lang din ako rito sa tabi nila.

"Akala ko ba ay bukas pa?" tanong ni Jacobe.

Nilingon ako ni Gavin at nagtama ang mga mata namin.

"Nawalan na ako ng gana," wika niya habang nakatitig sa akin.

Hindi ako umimik. Pagkatapos ay tinalikuran na niya kami at umalis na.

"Wanna come?" tanong ni Jacobe sa akin. Hindi ko alam kung saan kami pupunta pero hindi ako sasama.

"Huwag na. Aalis na tayo kaya kailangan ko nang mag-ayos ng mga gamit," sagot ko.

"Mabilis lang tayo."

Tututol pa sana ako pero hinawakan na ako ni Jacobe sa aking pulsuhan at hinila. Alam kong wala na akong magagawa pa kaya nagpahila na lang din ako.

"Saan ba kasi tayo, Jacobe?" tanong ko rito. Ilang minuto niya na rin akong hila-hila.

Malagubat na rin itong dinadaanan namin kaya nagtataka na rin ako. Hindi ko al