ALIYA'S POV
"Saan natin siya ibababa, sir?" tanong ng drayber sa katabi ko. Medyo nakalayo na rin kami sa bodega na 'yon. Ngayon ko lang din nalaman na amo pala nila itong lalaking katabi ko."Diretso tayo sa bahay," sagot nito."Huwag na," pagtutol ko. "Sa bahay ko na lang. Doon niyo na lang ako ihatid," dugtong ko kahit wala naman talaga akong matutuluyan ngayon.Tiningnan ako ng katabi ko at ng isa pang lalaki na sa tingin ko ay kaedad ko lang. Guwapo rin ang isang ito ah at mukhang mas mabait kesa sa katabi ko."Mukhang may bahay ka pa sa lagay mong 'yan?" wika niya. Natahimik ako dahil sa sinabi niya. "Tingnan mo nga ang sitwasiyon mo. Sabi mo kanina ay dala mo lahat ng mga gamit mo so, bakit dala-dala mo lahat ng mga gamit mo kung may bahay ka pa?" tanong niya sa akin.Gusto kong umiyak sa mga oras na 'to dahil sa sinabi niya. Oo, aaminin ko, wala na akong matutuluyan dahil pinalayas ako sa tinitirhan ko. Gusto ko sanang sabihin sa kaniya pero huwag na lang. Mas magmumukha lang akong katawa-tawa at kaawa-awa sa mga paningin nila."Sige, kuya, diretso na lang tayo sa bahay niya," sabi ko kay kuyang drayber. Wala na akong magagawa pa kaya pumayag na lang ako kesa naman palaboy-laboy ako.Pagkatapos ng mga salitang iyon ay tumahimik ang buong sasakyan. Walang nagsalita sa amin at wala rin namang nagtatangka kaya kahit ako ay tumahimik na rin.Hindi ko sila mga kilala. Hindi ko alam kung saan nila ako dadalhin. Hindi ko alam kung mapagkakatiwalaan ko rin silang lahat. Ngayon ay iniisip ko na lang na bahala na. Ang mahalaga sa akin ngayon ay may matuluyan dahil ayaw kong pagala-gala sa lansangan. Masyadong nakakatakot ang panahon ngayon para sa isang babaeng katulad ko.Gabi na rin nang marating namin ang isang malaki at magarang bahay. Sobrang lawak ng hardin nito na nasa harapan ng bahay. May water fountain pa sa gitna. Kahit gabi na ay sobrang liwanag ng paligid dahil kahit saang sulok sa paligid ay may mga ilaw. Hindi ko mapigilang mamangha dahil sa ganda.Bumaba na nga ako nang buksan ng guwapong lalaki ang pinto banda sa akin. Gusto kong malaman ang pangalan ng lalaking ito para naman may matawag ako sa kaniya.Nanlaki ang mga mata ko at literal na napanganga ako nang makapasok na kami sa loob. Sobrang lawak, maraming kagamitan at mukhang mga mamahalin pa. May malaking fish aquarium pa malapit sa malaking telebisyon. Ang enggrande pa ng hagdan. Para akong nasa isang palasyo."Feel at home, ma'am," nakangiting wika sa akin ng guwapong lalaking ito.Kailangan kong malaman na ngayon ang pangalan niya at nang hindi puro guwapo ang tawag ko sa kaniya."Oo nga pala, ano ang pangalan mo?" tanong ko sa kaniya. Mukhang nabigla pa ito nang magtanong ako kung ano ang pangalan niya."Jacobe po, ma'am. J-A-C-O-B with an E," sagot niya."Jacobe with an E? Talagang dinagdagan ng nagpangalan sa 'yo ah," natatawang saad ko. Ngumiti ito. "Ilang taon ka na, Jacobe with an E?" nakangiting tanong ko sa kaniya.Napahimas pa ito sa kaniyang batok at medyo namula. Nahihiya ata siya."I am twenty-eight years old, ma'am," sagot niya.Sandali lang. Nagmumukha akong may-ari ng bahay sa tuwing tinatawag niya ako na ma'am ah."Huwag kang ma'am nang ma'am sa akin. Hindi naman ako ang amo mo kaya Aliya na lang. Puwede ring Liya kung gusto mo," sambit ko."Sige po, ma--ay este Liya," saad niya.Magsasalita pa sana ako nang makarinig kami ng pamilyar na boses. Parehas namin itong nilingon ni Jacobe."Let her stay in one of our guests room, Jacobe," utos nito."Yes, sir," tugon ni Jacobe. "Dito tayo, Liya."Sumunod na nga ako kay Jacobe nang tawagin niya ang pangalan ko. Mukhang sa ikalawang palapag ng bahay ang magiging kuwarto ko dahil dumaan kami sa enggrandeng hagdan. Mukhang kaswal na rin sa amin ngayon ni Jacobe ang pagtawag namin sa pangalan ng isa't-isa. Dala-dala niya rin ang dalawang bag ko.Namangha na naman ako nang pumasok ako sa kuwartong binuksan ni Jacobe."Ito ang magiging kuwarto mo," wika niya."Ang ganda," tanging sambit ko.Mas malaki pa ata ito kumpara sa bahay na tinirhan ko. Ang ganda at aliwalas ng paligid. May mga litrato ng mga bulaklak, at paruparo sa dingding nito. Malaki, malambot at malinis ang kama. May sariling banyo rin sa loob. May malambot at malaking sofa sa bandang paanan ng kama."Tawagin mo lang ako sakaling may gusto ka. Puwede ka ring magtawag ng isa sa mga kasama ko kung may gusto kang gawin," sabi ni Jacobe. "Atsaka isa pa, huwag na huwag kang basta-bastang pumasok sa kahit na anong kuwarto rito dahil ayaw na ayaw ni sir ang gano'n," paalala niya."Masusunod yan, Jacobe with an E," nakangiting wika ko."Sige, magpahinga ka na muna. Maiiwan na muna kita rito," sambit niya at tinungo na ang pintuan. "Enjoy," dagdag pa niya bago tuluyang isarado ang pinto.Napabuntonghininga ako kasabay ng pagbagsak ng aking katawan sa malambot na kama. Kisame pa lang talaga halatang sobrang yaman na ng may-ari. Dahil sa dami ng nangyari ngayong araw ay nakaramdam ako ng pagod at antok. Habang nakatitig sa kisame ay unti-unting bumababa ang mga talukap sa aking mga mata hanggang sa tuluyan na nga akong nakatulog.PAGGISING ko ay umaga na. Nag-inat ako at napangiti."Akala ko ay panaginip lang," nakangiting wika ko nang makitang nandito pa rin ako sa magarang kuwarto na ito.Bumangon na ako atsaka bumaba ng kama. Pumasok muna ako sa banyo para magmumog at maghilamos. Nang matapos ay lumabas na ako ng kuwarto at bumaba."Liya, gising ka na pala," salubong sa akin ni Jacobe. "Magandang umaga," nakangiting bati niya."Magandang umaga rin, Jacobe," balik na bati ko."Gusto mo bang sumabay na sa amin sa pag-aalmusal?" tanong niya."Oo naman," nakangiting tugon ko. Sabay na nga kaming pumunta ng hapagkainan.May mga nakaupo na roon na mga kasamahan niya at sa tingin ko ay siya na lang ang hinihintay nila. Pareho na kaming pumwesto sa bakanteng upuan. Magkatabi pa kami. Ilang sandali lang nang may magsilapit sa amin na mga kasambahay na siyang nagdala ng mga pagkain. Inilapag nila ito isa-isa sa mahabang mesa. Bigla akong natakam dahil sa bango ng mga bagong lutong pagkain.Pagkatapos mailagay lahat ng mga pagkain ay nagsimula na silang kumain. Nakapagtataka lang dahil wala ang kanilang amo kaya nagtanong ako."Hindi ba sasabay sa atin ang amo niyong masungit?" tanong ko sa kanila.Nabigla ako nang may mabulunan. Ang iba naman ay napainom ng tubig. Ang iba ay pigil na tumatawa. May nasabi ba akong mali?"Hindi siya sumasabay sa kahit na sino. Minsan, kapag ayaw pa niyang kumain ay kami na ang mauuna. Kapag naman siya ang mauna ay hinihintay namin siyang matapos bago kami kumain," sagot sa akin ni Jacobe.Aba'y mukhang hindi lang siya masungit ah. Mukhang hindi rin marunong makisama. Pero syempre hindi ko dapat sabihin ang mga iyan dahil hindi ko pa siya lubusang kilala. Ayaw ko namang manghusga muna dahil hindi ko naman alam ang mga pinagdadaanan niya sa buhay.Hindi na nga ako nagsalita pa. Kumain na ako at nang matapos ay tumulong na ako sa pagliligpit ng aming pinagkainan. Ayaw pa nga sanang pumayag ni Jacobe na tumulong ako pero nagpumilit ako. Ayaw ko namang pakakainin lang ako rito. Gusto ko naman kahit papaano na may ambag dahil nakakahiya. Pasalamat na din ito sa pagtulong nila sa akin.Nang matapos ay lumabas ako ng bahay at naglibot-libot sa malawak na hardin. Namangha ako sa iba't-ibang klase ng bulaklak. Namangha rin ako dahil sa linis ng paligid.Gusto ko sanang mamitas ng mga puting rosas pero baka mapagalitan ako. Gusto ko pa naman sanang ilagay sa isang flower vase."Masaya ka kapag nakakakita ng mga bulaklak?" narinig ko ang boses ni Jacobe kaya nilingon ko siya. Nakita yata akong nakangiti habang nakatitig sa mga bulaklak."Ah oo. Sobrang napapasaya ako ng mga bulaklak. Gusto ko nga sanang mamitas kaso baka bawal," wika ko sabay nguso."Mamitas ka," kaswal na wika ni Jacobe."Talaga ba?" paninigurado ko. Bahagya siyang natawa."Oo naman," tugon niya."Eh baka magalit ang amo niyong masungit," mahinang sambit ko dahil baka may makarinig."Wala pa namang nagtatangkang mamitas ng mga bulaklak dito, at kung gusto mong mamitas ay ikaw ang una. Sakaling magalit man si sir ay ako ang bahala sa 'yo. Sabihin mo lang na ako ang nag-utos," nakangiting wika niya.Sa ngiti pa lang niya ay siguradong protektado ka. Protektado sa amo niya."Talaga bang ikaw ang bahala?" paninigurado ko ulit."Oo nga. Huwag kang mag-alala," sambit niya."Sigurado ka ah. Baka mamaya, ikaw ang bahala tapos ako ang kawawa," sabi ko."Hindi 'yan. Magtiwala ka," aniya.May sinseridad naman ang pagkakasabi niya kaya naniwala na ako. Pero bago ako mamitas ay pumasok muna siya sa bahay para kumuha ng basket na paglalagyan ko at gunting pangputol ng sanga. Mahirap na raw dahil baka matusok ako.Napangiti ako nang makita siyang papalapit na sa akin. May dala na nga itong basket at gunting. Nang maibigay na niya sa akin ang mga kagamitan ay nagsimula na ako.Umalis na muna si Jacobe dahil may gagawin pa raw siya kaya mag-isa na lang ako.Hindi ko pa sila lubusang mga kilala pero ang gaan-gaan ng pakiramdam ko sa kanila. Ramdam na ramdam kong safe ako sa kanila, lalong-lalo na kay Jacobe.Nang matapos mamitas ay bumalik na ako sa loob. Pagpasok ko ay nagtama ang mga mata namin ni sungit. Pero sandali lang iyon dahil ang mga tingin niya ay bumaba sa hawak kong basket na napupuno ng mga puting rosas. Nag-iba ang timpla ng mukha niya habang nakatingin dito kaya ako ay biglang kinabahan."Jacobe? Where are you?" bulong ko habang mahigpit na hinawakan ang dala kong basket.ALIYA'S POV"To my office. Now," diing wika niya habang nakatingin sa akin. Sakto naman ang pagdating ni Jacobe kaya medyo nabawasan ang kaba ko.Sinenyasan ako ni Jacobe na sumunod na kaya nagsimula na akong maglakad. Si Jacobe ay nakasunod lang din sa akin. Bawat sampung hakbang ay lumilingon ako sa kaniya. Pinapaalala niya sa akin na huwag mabahala kaya sa harap na ulit ang tingin ko.Pumasok kami sa isang silid na siyang opisina ni sungit. Malaki ang opisina niya. Sobrang linis at organisado. Umupo ito at sinenyasan niya akong umupo sa upuang kaharap ng kaniyang mesa. Tahimik na naupo ako habang si Jacobe ay nakatayo lang. Sinulyapan ko si Jacobe pero nagulat ako nang magsalita si sungit."Sino ang nag-utos sa iyo na manguha ng mga bulaklak sa hardin?" madiin ang boses na tanong niya. Nilingon ko si Jacobe at nagsalita ito. Hindi ko alam ang gagawin dahil sa kaba."Gusto niya pong mamitas ng mga bulaklak kaya sinabi ko po sa kaniya na puwede," sagot ni Jacobe. Seryoso lang ang muk
ALIYA'S POV"Ayan, mas maganda na itong kuwarto," nakangiting wika ko nang mailagay na sa isang maliit na mesa sa tapat ng sofa ang flower vase. "Mas maganda na ang aking umaga gayong makakakita ako ng puting rosas sa oras na magising ako."Pagkatapos nito ay naligo na muna ako dahil sa tingin ko ay iba na ang amoy ko. Malaki ang banyo na may shower na at palikuran. Mayroon ding bathtub. Nagsimula na nga akong maghubad. Nang mahubad na lahat ng aking kasuotan ay sisimulan ko na ang pagligo.Nilibot ko ang aking paningin dahil hinahanap ang pambukas ng shower. Ngayon ko lang napagtanto na hindi pala ako marunong magbukas ng shower. Nasanay ba naman ang isang tulad ko sa balde o 'di kaya'y planggana.Naisipan kong baka puwede ako makahingi ng tulong kay Jacobe sa pagbubukas ng shower. Oo, tama, si Jacobe nga ang kailangan ko ngayon. Sana ay nandiyan lang siya sa tabi-tabi. Akma na akong lalabas nang maalalang wala pala akong saplot. Naku po! Agad na kinuha ko ang tuwalya at itinapis sa
DEAN GAVIN'S POVAno itong aking nararamdaman? Bakit bumibilis ang tibok ng aking puso? Nakatitig lang naman ako sa mga mata niya pero bakit ganito?Dahil kanina pa kami nakatitig sa isa't-isa ay ako na ang pumutol ng titigang iyon."I am going back inside. Pumasok ka na rin at magpahinga," wika ko at siya'y tinalikuran na.Kahit na medyo nanghihina ang aking katawan ay pinilit kong bilisan ang aking lakad. I don't like this feeling. I don't want to feel this feeling again. Kailangan kong hindi maglalapit-lapit sa kaniya. Kailangan kong iwasan siya para sa ikabubuti naming dalawa.ALIYA'S POVSampung araw na akong nananatili sa malaking bahay na ito. Ang tanging ginagawa ko lang sa araw-araw ay kumain, matulog sa malambot na kama, ang maligo sa malamig na shower, ang libutin ang malawak na hardin, manood ng palabas sa telebisyon at titigan ang magandang water fountain. Masasabi kong napakaganda talaga ng aking buhay rito. Akala ko ay puro kamalasan ang dala ko sa buhay pero hindi pala
ALIYA'S POVAgad na nag-inat ako nang ako'y magising. Umiyak ako kagabi pero maganda ang tulog ko. Napangiti ako nang maalala ang nangyari kagabi. Niyakap niya ako. Sa wakas ay pinansin na niya ako ulit. Nagkausap kami. Iyon na ba ang simula ng pagiging namin sa isa't-isa? Sana nga.Bumaba na ako ng kama at pumasok sa banyo. Pansin ko ang bahagyang pamamaga ng aking mga mata nang humarap ako sa salamin. Grabeng iyak ko pala kagabi. Buti na lang talaga at dumating si Gavin dahil kung hindi, hindi ko talaga alam ang aking gagawin.Naghilamos na ako at lumabas na ng banyo. Inayos ko na ang aking sarili bago lumabas ng kuwarto. Nang madaanan ang hapag-kainan ay nakita ko si Gavin na nakaupo sa kaniyang puwesto. Mag-isa lang ito na siya namang nais niya. Ang pagkain niya ay halatang hindi pa niya nagagalaw. Mukhang may hinihintay ata siya. Sino kaya?Dahan-dahan akong lumapit sa refrigerator para kumuha ng maiinom nang mapatigil ako."Buti naman gising ka na," wika ng isang pamilyar na bos
JACOBE'S POVPapunta ako sa opisina ni Sir Dean nang makitang papalabas dito si Liya. Nagmamadali ito habang nakayuko. Sinundan ko lang ito ng tingin hanggang sa makapasok na ito sa kaniyang kuwarto. Nagtataka man ay tumuloy na ako sa opisina ni sir. Baka sakaling siya ang makasasagot ng tungkol dito.Pagpasok ko ay bumulaga sa akin ang mga nagkalat na papel sa sahig. Si Sir Dean naman ay nakasandal lang sa kaniyang upuan habang nakatalikod mula sa akin. Lumapit ako sa kaniya. Napansin ko ang isang litratong hawak niya at hindi mapigilang mabigla nang makita kung sino ang nasa litrato.Clara.Inalis ko ang aking pagkabigla at ngayon ay nagtanong."May ginawa ka bang hindi maganda kay Aliya?" diretsahang tanong ko sa kaniya. Inikot niya ang kaniyang upuan at tumingin sa akin."Sinabi ko lang ang mga dapat niyang malaman," mahinahong sagot niya. "Sinabi ko lang sa kaniya kung ano ang lugar niya sa pamamahay kong ito," dagdag pa niya."Ano ang ibig mong sabihin?" tanong kong muli."Kung
ALIYA'S POVBumalik na nga ako sa malaking bahay at dali-daling pumasok sa aking silid. Ang mga tauhan ni Gavin ay wala na sa sala kaya nang dumaan ako ay napakatahimik na.Wala na akong ibang ginawa sa silid kundi ang humiga. Paminsan-minsan ay pinupuntahan ko ang balkonahe para doon makalanghap ng sariwang hangin. Nang hapong iyon ay nakatulog pala ako kaya nang magising ay takipsilim na. Nag-inat ako ng aking mga braso atsaka bumaba na sa kama. Nagdadalawang-isip pa ako kung lalabas ako o hindi pero sa huli ay lumabas na lang ako. Sigurado akong wala pa si Gavin ngayon dahil ang uwi ng lalaking iyon ay mamayang alas otso. Eh alas sais pa lang.Dahan-dahan lang ang bawat hakbang ko at sobrang tahimik. Pinuntahan ko ang kusina kung saan naghahanda na ng mga pagkain sina Nanay Elsie. Sumilip lang ako at pagkatapos ay umalis na. Baka makaistorbo lang ako.Hindi ko talaga alam ang gagawin ko. Nagpalibot-libot na ako sa buong bahay. Bawat bulaklak na makikita ko sa loob ay lalapitan ko
DEAN GAVIN'S POV"Trying to escape, huh?" nakangising tanong ko. Naglakas-loob na akong magsalita dahil nabibingi na ako sa katahimikan ng paligid.Andito pa rin kami sa isang sulok."A-Ano ang ginagawa mo rito?" balik na tanong niya."I just saved you. Mind thanking me for what I did for you?" I told her."Hindi naman ako humingi ng tulong sa 'yo," tugon niya. Napangisi ulit ako."'Yan lang ang sasabihin mo matapos kitang iligtas sa asong iyon?" tanong ko ulit. "Ano na lang kung hindi aso ang na-encounter mo kanina?""Hindi naman kasi ako humingi ng tulong sa 'yo. Sinabi ko bang magtago ka sa isang madilim na sulok at hilain ako para makawala sa aso na 'yon? Hindi, 'di ba?" pagtataray nito."Ikaw na nga itong tinulungan eh ikaw pa itong mataray. Just two words, Liya. Mahirap bang sabihin?" diing turan ko."Ayoko nga," aniya sabay iwas ng tingin."Really?" hindi makapaniwalang tanong ko."Talaga," direktang sagot niya."Okay! If that's what you want. Aalis na ako. Bahala ka na diyan,
ALIYA'S POVPaggising ko kinabukasan ay ramdam ko ang sakit ng ulo ko. Medyo nilalamig din ako kaya hininaan ko ang aircon. Kinapa ko ang aking noo at nalamang nilalagnat ako. Tinatamad din akong bumangon dahil masakit ang katawan ko.Biglang tumunog ang cellphone ko hudyat na may tumatawag dito. Kinapa ko ito sa may bed side table at tiningnan kung sino ang tumatawag.JACOB with an EAgad na sinagot ko ang tawag nang makita kung sino ang tumatawag."Hello. Good morning," bati ko sa kaniya."Good morning, Liya. Naistorbo ko ba ang tulog mo?" tanong niya sa akin."Hindi naman," sagot ko."Mabuti naman. Hindi ka pa ba bababa rito para mag-almusal?" tanong niya ulit. "Hihintayin kita rito para sabay na tayo," dagdag pa niya."Wala akong gana, Jacobe. Medyo masama ang pakiramdam ko kaya tinatamad akong bumangon," mahinahong wika ko."May sakit ka ba?" may pag-aalala sa boses niya."Mukhang meron nga," sagot ko."Okay. Pagkatapos kong kumain ay pupuntahan kita diyan at dadalhan ng pagkain.