Chapter 2

"Oh pak! pak! pak! ikot! pak! lakad!" Maingay na sigaw ng nagtuturo sa amin rumampa.

Habang naghihintay ako sa pagrampa, natanaw ko si Kayler na nakaupo sa may bleacher. Pinapanuod ang bago niyang babae na rumampa.

"Go, Larah!" sigaw pa nito na ikinanguso ko.

Nang ako na ang maglalakad ay hindi na siya tumingin sa stage. Yumuko na siya at muling tumipa sa kan'yang cellphone.

"Number 15... Aliyah, pasok! oh, Hawak sa balikat ni Lucas! pak! pak! pak! Ikot! lakad!

"Oh! Ayusin niyo bukas ha! Ayoko ng may papalpak! Sige, uwi na!" taboy ng baklang nagtuturo sa amin.

Nang matapos ay nakahinga na ako ng maluwag. Bukas ang pinakahihintay kong laban. Sana bukas mapansin man lang ako ni Kayler.

Araw-araw akong nagpa-practice nang naka-heels kaya naman nitong mga nakaraang araw ay maayos na talaga ako maglakad. Hindi na ako natitipalok tuwing lumalakad.

"Ay! bongga friend! I-sway mo pa yung hips mo parang ganito oh!" sambit ni Jennie habang minumwestra ang pagkendeng.

Laglag ang aking panga habang pinapanood siya.

Halos tumilapon na kasi ang kan'yang bewang sa pagkembot.

"Kailangan ba talaga ng ganyan?" habang kagat-kagat ang aking daliri.

"Oo, sira ka! Ganito talaga maglakad para mapansin ka ng lahat!" sabay ikot niya pa at todo make face.

"Gaga! hindi kaya magmukhang naghahanap ng costumer yang si Iyah kapag ginawa yang pinapagawa mo?" Sabay hampas ni mamu sa ulo ni Jennie.

"Mamu naman eh!" reklamo ni Jennie na ikinatawa naming lahat.

"Siya nga pala, ito ang gown na susuotin mo at ang iyong swimsuit." inilahad ni mamu ang damit sa akin.

Napanganga ako sa ganda ng gown na kanyang napili. one shoulder at may malalim na biyak sa may bandang breast part. Mahaba ito at may mahabang slit.

"Thank you, tita mamu!" naiiyak ko siyang niyakap. "Paano ko ito babayaran saiyo?" tanong ko pa.

"Asus! 'wag mo nang intindihin iyon! Ang bayad mo dito ay iyong litrato mo na nakasuot nito! Ipagyayabang ko d'yan sa labasan kung gaano ka kaganda!" sambit nito na hinhimas-himas ang aking likod.

"Salamat po talaga, tita mamu ulit!"

"Luluwa ang dyoga mo d'yan, friend!" singit naman ni Jennie.

"Iyon nga ang maganda para sexy talaga ang iyong dating, Iyah." singit ni tita mamu. "Ito pa, suotin mo bukas para mas lalo kang gumanda ka!" bitbit ang isang mahabang wig na kulay puti, na may konting kulot sa baba.

Napairit ako sa tuwa!

"Aaaaay! Salamat tita mamu! Mukha na talaga akong babae nito." habang sinisipat ang wig na kanyang bigay sa akin.

"Ang ganda mo, girl! Tanggap ko na mas maganda ka sa'kin!" Maluha-luhang drama ni Jennie sa akin na kunwareng may luha pa at pinupunasan ito ng kan'yang panyo.

Kinabukasan, sakay kami ng tricycle ni manong Elmer patungo sa aming University. Kami ni mama sa harap at sa likod naman si Jennie at si tita mamu.

Nang makarating sa loob ng room ay agad akong pinaupo ni tita mamu at agad akong inayusan.

"Oh, galingan mo anak ha!" bilin sa akin ni mama na tuwang-tuwa. "Dalaga na talaga ang anak ko!" dagdag pa niya.

"Opo, mama!"

Magulo at maingay sa loob ng room at may kan'ya-kanyang ginagawa ang mga kaklase ko.

Si Lucas naman na partner ko ay panay ang selfie sa gilid. Nang masulyapan ako ay kininditan ako. Nilapitan niya ako at kinuha ang aking kamay.

"Magandang gabi sa'yo, Binibini!" sabay halik sa aking kamay.

"Haha.. siraulo ka!" sabay hampas sa kan'yang balikat.

"Ouch! masama bang magsabi ng totoo ngayon?" habang hinihimas ang kan'yang balikat at kunwaring sakit na sakit sa hampas ko kahit hindi naman talaga masakit.

Nang malagay ang wig sa aking ulo ay tila natulala si Lucas sa akin.

Natutop naman ni Jennie ang kan'yang bibig ng makita ako na suot ang wig na may make-up.

"Ewan ko lang kung 'di ka mapansin ni Kayler niyan, Iyah! Sobrang ganda mo, promise! wika ni Jennie sa'kin. Tila siguradong-sigurado siya na papansinin ako nun.

"Ang ganda-ganda ng aking anak!" pagmamalaki ni mama sa akin na ikinangiti ko nang todo-todo.

"Syempre, Ma! Mana ata ako sa'yo! Tingnan mo, sa ilong pa lang natin taob na sila!" Pagmamalaki ko sa mama ko habang turo-turo ang ilong kong matangos.

"Sa'kin ayaw mo magmana?" Tanong naman ni tita mamu sa'kin na ikinangiwi ko.

"Mamu, 'wag ka nang mag-ilusyon! Tama na ang kabaitan mo, 'wag mo nang isabay sa kagandahan nitong bestfriend ko!" Tudyo ni Jennie sa mamu niya.

"Gaga ka talaga! e kung sabunutan ko yang bulbul mo ha? At nang magtigil kang bruha ka!" gigil na sambit ni tita mamu.

"Lagot ka, Jennie! Baka bawasan ang baon mo niyan, 'di ba tita mamu?" pang-aasar ko pa.

Nagtawananang kami nang umarteng nakakaawa si Jennie. May saltik talaga ito.

Nang matapos akong ayusan at ilagay ang aking wig ay kaagad kaming nagpunta ni Jennie sa cr upang makapagbihis na ako.

"Sabi na, luwa ang dyoga mo, friend!" nanlalaki ang mata ni Jennie matapos isuot ko ang aking black gown. "Muntikan na umabot sa t-back mo yung slit mo!" dagdag pa nito.

Natatawa lang ako sa kan'ya, hindi ko alam kung koserbatibo ba siya o ewan. Pumapalakpak naman pagkatapos. Hay naku!

"Mukha ka nang mayaman tingnan, friend!" hirit pa nito.

"Ikaw talaga panay loko mo sa'kin!" habang inaayos ang aking gown.

Nang lumabas kami sa cr ay siya din paglabas ni Kayler sa cr ng boys.

"Omg!" nanlaki ang aking mata ng makita siya. Dali-dali akong tumalikod. Ewan ko ba pero ang lakas ng tibok ng puso ko nang makita siyang nakatingin sa akin.

Nagsimula na akong humakbang, pakiramdam ko ay tumataas ang aking balahibo na ngayon na nakatingin siya ay parang dinaga naman ako.

"Hi, Miss! Oh, Miss number 15! " Habol niya sa akin habang nakalabas ang pantay-pantay na mapuputi niyang ngipin.

Shocks, ang gwapo! He's the most handsome man I've ever met. At ang kan'yang biceps?! Aaahhh.. mapapasabi ka na lang ng choke me daddy, please!

Siniko ako ni Jennie nang mapansin na nakatulala lamang ako kay Kayler. Napakurap-kurap ako ng matauhan sa kan'yang pagkakasiko sa akin.

"H-hi!" sa wakas ay nasabi ko din sabay ngiti ko ng matamis sa kan'ya.

"Kayler Valderama" pakilala niya sa kan'yang sarili habang nakalahad ang kan'yang kamay. "Are you new here? Bakit parang ngayon lang kita nakita.

Tumingin muna ako sa kan'yang palad bago ito hawakan.

"Ah, no! hindi lang talaga ako kapansin-pansin." sabay kagat ko sa aking labi.

"You're so damn hot! Bakit ngayon lang kita napansin?" tanong niya ulit na ikinatawa ko. Napasipol pa ito.

"And i like the way you laugh!" dagdag pa nito.

Grabe naman! Ganito ba talaga siya pag nakakakita ng babaeng sexy.

"Ah sige! Mauna na kami. Nice to meet you!" Paalam ko sa kanya at dali-dali hinila si Jennie.

"Wait, baby!" habol niya sa akin habang hawak ang kaliwang kamay ko.

Napamaang ako ng hawakan niya ang aking kamay. Tila nag-init ang magkabilaan ko na pisngi. Shocks! Mukhang lalagnatin pa ata ako. Ako ba talaga ang sinasabihan niya na baby? Omg! Parang mahihimatay ako! Finally!

"Nakalimutan mong sabihin ang pangalan mo. Can i get your number?" tanong niya.

"Aliyah Mendez or Iyah na lang for short." Nakangiti kong pakilala sa kan'ya.

"Aliyah Mendez-Valderama! Ang sarap pakinggan 'di ba?" bola niya sa akin.

Namilog ang aking mata sa kan'yang sinabi. Hindi ako makapaniwala na sasabihin niya iyon. Bola lang ata para mabingwit ako pero grabe! Pakiramdam ko ay umabot ng lupa ang aking buhok. Tinataasan din ako ng balahibo.

"Sige, see you later. Nagmamadali na talaga ako." Paalam ko sa kan'ya at agad na mabilis na naglakad.

"Papanoorin kita and I'll vote for you!" narinig ko pang sigaw pa ni Kayler habang palayo ako sa kan'ya.

"Oh, 'di ba? napansin ka na niya! Sabi ko naman sa'yo ang ganda-ganda mo ngayon, friend!" tuwang-tuwang sambit ni Jennie sa akin.

Napayakap naman ako sa aking kaibigan.