Chapter 4

" MEETING MY FIANCE"

Iniisip ko pa rin ang nangyari kagabi. Hinampas-hampas ko ng unan ang mukha ko dahil sa kabaliwan ko kagabi. Sobrang nakakahiya na nakita n'ya akong ganon kanina tsaka sya pa yung nagbihis! Wala naman na'kong magagawa kasi tapos na nga. Lesson learned nalang, Elyse. Huwag nang ramihan ang inom kundi baka mas sobra pa sa ganon ang mangyayari sayo.

Hay nako, sobrang nadala lang talaga ako sa nararamdaman ko kagabi kaya naging ganon ang naging kahinatnan.

Buti nalang sa lalaking yun na si Kyrex pala ang may-ari ng sasakyan ako nakatulog, kung hindi baka may masama na talagang nangyari sa'kin. Baka siguro sa oras na ito ay nagpalutang-lutang na sa ilog ang katawan ko tapos makikita ako ng maraming tao. Napailing nalang ako sa over nang pinag-iisip ko.

Naiisip ko na naman sya. Dahil lang to sa ginawa nyang pagtulong. Oo, sa kabaitan nya. Mabait? Mukhang nagkakamali ako, ang manyak-manyak nun sa umpisa tapos ang pilosopo.

Nagri-ring yung phone ko kaya dali-dali akong bumangon at kinuha yun sa purse ko. Si mommy pala tumatawag.

" Hello, mom." Bati ko sa kanya pagkasagot ng tawag.

" Hello, dear. Are you at home?" Tanong nya sa kabilang linya.

" Yes mom, bakit?" Tugon ko sa tanong nya at humiga ulit.

" Nasa business trip kami ng daddy mo at sa Thursday pa ang balik namin at sa tingin ko ay medyo gagabihin kami kaya ipapadala ko nalang bukas ang damit na susuotin mo sa dinner natin sa huwebes." Page-explain pa ni mommy.

Dinner ulit?

" We will be having a dinner together with the Watson's this coming Thursday. It's time for you and their son to meet para makilala n'yo na ang isa't isa at mapag-usapan na rin natin ang kasal." Napabangon ako nang marinig ang sinabi ni mommy. Totoo ba ito? Mangyayari na? Baka iba lang ang pagkakadinig ko sa sinabi nya.

Napakurap ako nang ilang beses habang naka-nganga at hawak-hawak ang phone. Kakabanggit lang kagabi nito, naglasing pa'ko dahil pino-problema to tapos sa huwebes na? Biglang sumakit ang ulo ko kaya natulog nalang ako at nagising na ng hapon.

Wednesday na ng umaga ngayon, may pasok ako kaya maaga akong naligo. Nagsuot lang ako ngayon ng croptop na blouse at skirt na hanggang sa ibabaw ng tuhod ko. Pinaresan ko na rin ng sandal na may heels.

Kinuha ko na yung bag ko at I.D at dumiretso na sa kusina para kumuha ng sandwich na may palamang mayonnaise. Nilagyan ko na rin ng tubig ang flask ko dahil sa sobrang init ba naman baka ma-dehydrate pa'ko.

I got my car key sa bag ko at nagdrive na papuntang school. Medyo natraffic pa'ko dahil pasukan ngayon ng iba't ibang estudyante at mga empleyado.

Medyo maaga pa rin naman akong dumating bago ang klase. Pinark ko na ang sasakyan ko sa parking area at naglakad na papunta sa building ng subject ko ngayon. Binati ko na rin yung mga kakilala na nakikita ko.

I sat beside Bria at nilagay ko yung bag ko sa arm chair ng upuan. Ngumiti ako sa kanya at nginitian nya rin ako.

Ilang minuto na'kong nakaupo rito na di umiimik. Lumulutang yung isip ko sa mangyayari bukas. Ngayon pa lang kumakabog na ang puso ko na iniisip pa lang ito. Sa sobrang occupied ko, di ko napansin na tinatawag pala ako ni Bria.

"Uy, Elyse" winagayway nya yung kamay nya sa harapan ko kaya nabalik ako sa huwisyo.

" Oh, bria." Medyo gulat ko pang sagot sa kanya.

" Ang lalim nang iniisip mo ah, may problema ba? Nag-aalalang tanong nya.

" Naalala mo yung sinabi ko sayo dati? I'll be meeting my fiance tomorrow, Brie." I said without looking at her.

Natigil na ang usapan namin ni Bria dahil dumating na yung instructor namin. Nagdiscussed lang naman yung prof pagkatapos nun ay nagklase rin kami sa next subject.

Umuwi na'ko sa bahay pagkatapos ng klase namin. Pagpasok ko sa kwarto naroon na yung box na mayroong damit na susuotin ko bukas sa dinner. Tinabi ko nalang yun sa gilid at lumundag na sa kama.

Bukas na yun at wala na'kong takas. Iniisip ko kung susuwayin ko kaya sila at sabihing ayo'ko ituloy ang kasal kasi di ko naman gusto to. Kaso malabo, baka mangyari na naman yung dati. Natatakot ako.

Siguro kakayanin ko din naman na pakisamahan nalang yung magiging asawa ko. Di naman mahirap ata. Sabi nga nila na ' kaya namang turuan ang pusong magmahal' ewan ko lang kong applicable ba talaga yun.

Matapos maghapunan ay natulog na na'ko nang maaga dahil wala namang gagawin.

Kinabukasan, pumasok ulit ako sa skwelahan at puro discussion lang din naman. Hapon na din nang makauwi sina daddy at mommy. Ayun, remind nang remind na mamayang 7 pm ang dinner. Di nya lang alam na nung isang araw ko pa iniisip ang bagay na yan.

Almost 6 pm na rin nang matapos akong maligo. Binuksan ko na yung box kung saan nakalagay ang damit. Kulay sky blue ito na silk dress pero sleeveless sya. Fit din to sa katawan ko katulad ng dati. Sinuot ko rin yung hikaw at kwintas na kasama.

Pinakulot ko yung dulo ng buhok ko at tinalian ng ribbon ang ilang bahagi ng buhok ko. I also put makeup para fresh at maganda rin naman tignan.

Pagkatapos kong mag-ayos ay lumabas nako bitbit yung maliit na kulay white na bag. Nakita ko rin sina mommy sa sala na halatang hinihintay nalang ako.

Sakay na kami ng kotse ngayon at patungo na sa restaurant para mag-dinner kasama ang pamilya nila at para na rin makilala ko na yung fiance ko.

Naiinis ako, nararamdaman ko yung dugo sa buong katawan kong umiinit sabay nang pagkagat ko sa loob ng aking labi.

" Elyse, dear." Tawag ni mommy sabay tingin sa akin kaya tumingin din ako sa kanya.

Hinaplos nya ang pisngi ko at ngumiti. " Wear the best smile. I know you won't disappoint us." Kaya ngumiti nalang ako nang pilit at tumango sa kanya.

Nakarating na kami ngayon sa labas ng restaurant. Pagkatingin ko rito, halatang-halata na sosyal at mukhang ang mga mayayaman lang ang makaka-afford. Sa disenyo pa lang nito ay sobrang classy na, glass yung buong paligid.

Pagkapasok sa loob, inilibot ko ang mga mata ko sa buong paligid at ang elegante tignan. May malaking chandelier sa gitna at sobrang liwanag nang buong paligid. May mga kumakain din na halatang sosyal dahil na rin sa mga suot at porma nila.

Umupo kami sa medyo malaking table. Magkatabi sina daddy at mommy so bali katabi ko si mom. Mukhang nauna kaming dumating kesa sa kanila. Sinabi na rin ni dad na parating na raw sila.

Matapos ang ilang minutong paghihintay, medyo malayo pa lang ay may natatanaw na'kong pamilyar na mukha, kung saan nakita ko na sya. Nakasuot ito nang blue na longsleeve na naka-tuck-in sa black pants nya at nakasuot ito ng makintab na sapatos. Ang buhok nya ay nakaayos sa bandang kaliwa at kitang-kita ko rin ang mamahaling relo na nakasuot sa kamay nito. Kasama nya ata ang mga magulang nya dahil hawig na hawig nya ang lalaking naka suit.

Seryoso lang ang mukha nya habang naglalakad sya kasabay ng magulang nya. Habang palapit nang palapit ang lakad nila, mas lalong kumakabog ang puso ko, rinig na rinig ko ito. Mukhang dito sila sa direksyon namin.

" Mr and Mrs. Watson!" Pagtawag ni dad sabay taas ng kamay. Biglang tumigil ang pagtibok ng puso ko kasabay nang paglaki ng mga mata ko nang kumaway ang lalaking kasama ni Kyrex na ama pala niya.

Lumapit sila sa mesa namin at binati ng mga magulang ko sina Mr. and Mrs. Watson at nakipagkamay pa nga ito.

Confirmed! Sila ang pamilyang Watson at siya ba ang pinagkasundo sa akin?! Si Kyrex na nakita ko sa bar at yung tumulong sa akin kung saan nakatulog pa'ko sa condo nya?!

Napakurap ako nang ilang beses. Ayaw ata ma-sink in sa utak ko na siya nga!