Chapter 5

" THE DINNER WITH HIS FAMILY"

Napakurap ako nang ilang beses. Ayaw ata ma-sink in sa utak ko na siya nga!

Napatingin ako kay Kyrex na nakatingin na pala sa akin. Hindi bakas sa kanyang mukha ang pagkabigla na ang babaeng mapapangasawa nya pala ay ang babaeng dinala nya sa condo nya. Seryoso syang nakatitig sa akin at kitang-kita ko ang paglunok nya. Sa lakas nang kabog ng puso ko animo'y para akong nabibingi kasabay ang mainit na pakiramdam kahit naka-aircon naman.

Naramdaman kong nag tinapik ako ni mommy at sinenyasan akong tumayo kaya agad akong tumayo at binati sila.

" Good evening Mr. and Mrs. Watson." panimulang bati ko sa kanila at ngumiti.

" Magandang gabi, hija. I want you to formally meet my son, Kyrex Watson, your fiance." Nakangiting banggit ni Mr. Watson sabay tingin kay Kyrex.

Ngumiti siya nang napakatamis tignan sa mata ng ibang tao ngunit para sa akin, kitang-kita ko ang kaplastikan nito. Lumapit sya sa akin at hinalikan ang pisngi ko sabay bati ng " Nice to meet you, Elyse." Bigla naman akong naistatwa sa ginawa nya, di ko inaasahan yun.

Nakaupo na kaming lahat ngayon at ilang minuto na rin ang lumipas. Naguusap at nagtatawanan pa ang mga magulang ko at sina Mr. Watson. Paminsan-minsan sumasali rin si Kyrex habang ako ay nanahimik lang dito. Di ko pa rin inaasahan na ang lalaking to ay isang Watson pala. Nag-iisang anak at tagapagmana nila!

Sa dinami-dami ba namang lalaki sa mundo, sya pa na nakilala ko nung nalasing ako at napadpad sa sasakyan nya tapos sa condo ang papakasalan ko? Aksidente ba ito o tinadhana?

Habang tahimik akong kumakain at nakatitig sa plato ko, di ko maiwasang hindi sulyapan si Kyrex at nahuhuli naman ako nito kaya agad akong umiiwas nang tingin. Ang seryoso nya tignan at mesteryoso. Umaakto na parang ngayon lang kami nagkita at hindi man lang nabigla na nakita ako. Ganito ba talaga sya o dahil andito kami sa harapan at kasama namin ang mga magulang namin?

" Masaya akong nakita nating muli ang isa't isa ngayon at hindi na rin magtatagal ay mag-iisa na ang ating mga pamilya." Nakangiting tugon ni dad kina Mr. Watson at sinubo ang pagkaing nasa kutsara nya.

" Nagagalak din ako. At sa kasunduang ito, magiging malakas at successful din ang ating mga negosyo dahil nagsama na ang Saavedra at Watson." Pagsang-ayon naman ng daddy ni Kyrex.

" Bueno, pag-usapan na rin natin ngayon ang kasalan ng ating mga anak kung kailan ito." Tugon naman ni mommy at tinignan kaming dalawa ni Kyrex.

Napahawak ako nang mahigpit sa kutsara at tinidor na hawak ko. Heto na nga ang matagal ko nang kinakatakutan, ang kasalan, ang matali habang buhay sa taong hindi ko gusto kahit nakilala ko saglit.

" Paano kung pagka-graduate nalang ni Elyse? Total last year nya naman ngayon, right?" Suggestion naman ng mommy ni Kyrex habang nakataas pa ang kilay at nakangiting tumingin sa akin.

" Opo." Ang tanging sagot ko nalang tsaka sinabayan nang matamis na ngiti upang kapani-paniwala.

" That's good kasi magiging busy din to si Elyse kasi fourth year na, may pupuntahan na silang mga school at mag-oobserve ng class." Pagpuno pa ni daddy bilang pagsang-ayon kay Mrs. Watson.

" Mas mabuti na rin yang medyo malayo pa para makilala pa nila ang isa't isa. For sure magkakasundo silang dalawa, diba?" Saad naman ni Mr. Watson at tinignan pa nila kaming lahat.

Ngumiti ako para sabihing sang-ayon ako kahit kanina pa nangangawit tung labi ko sa pagngiti sa kanila. Medyo nagulat ako nang biglang hawakan ni Kyrex ang kamay ko na nakapatong sa mesa.

" Opo, makakaasa kayo. Alam ko namang hindi mahirap pakisamahan ang magiging asawa ko." Saad nito sabay tingin sa akin na parang kinakausap nya ako sa mata at sinasabing ' sumang-ayon kana dyan total wala naman tayong magagawa'.

"O-po naman." Utal kong pagkasagot at mas hinawakan nang mahigpit ang kamay ni Kyrex.

" Nakikita naman namin kahit ngayon pa lang na okay at bagay talaga kayo sa isa't isa." Saad ulit ng mommy ni Kyrex.

Hay, kelan ba to matatapos? Ang dami nilang sinasabi. Napapagod na'ko magpanggap kahit ilang beses ko na tung ginagawa. Gusto ko ng umuuwi, nakaka-tense ang usapan nila huhuhu.

Buti nalang tumigil na rin sila sa pagtatanong sa amin kasi kanina pa sila. Parang na-iihi na tuloy ako dito, jusko! Naghiwa ako ng steak na kakalagay lang ng waiter dito sa mesa dahil gusto kong kumain. Nakakatakam ang itsura.

" Paano kaya Mr. and Mrs. Saavedra if they were going to live together? Total ikakasal na sila, kailangan nilang pakisamahan ang isa't isa at makilala nang husto para naman makapag-adjust sila sa ugali ng isa't isa." Muling saad ni Mrs. Watson kaya napahawak ako sa chest ko habang umuubo dahil nabilaukan ako sa kinain kong steak. Dali-dali naman akong binigyan ng tubig ni mommy at agad ininom iyon.

" Okay ka lang, hija?" Nagaalalang tanong ng daddy ni Kyrex kaya tumango nalang ako.

Tama ba itong narinig ko? Titira kami sa iisang bahay para makilala nang lubusan ang isa't isa? No way! Ayoko, hindi magandang ideya yan. Tinignan ko si Kyrex at kinakausap ko sya gamit ang mga mata ko. Makuha ka sa tingin at huwag kang pumayag sa gusto nila. Ngunit bigo akong napatingin ulit sa plato ko nang ngumiti ito sa kanila at sinabing okay lang para sa kanya.

" Okay lang din ba sa iyo, Elyse?" Tanong ni Mr. Watson. As if naman makakatanggi pa ko sa kanila? Hindi naman kasi umo-o na yung isa kaya ngumiti nalang ako sinabing okay lang kahit labag sa loob ko.

Andito na'ko sa kwarto ngayon, nakahiga sa kama habang tinititigan ang kisame dahil hindi pa rin ako makatulog dahil sa nangyari kanina. Akala ko after ng meeting na yun ay magkikita nalang kami pag malapit na yung kasal pero mukhang hindi yun ang mangyayari dahil sa nakakabwiset na ideya na yun.

Napahilamos nalang ako sa mukha ko sa inis. Ang awkward na nga ng first encounter namin tapos makikita pa namin ang isa't isa sa bahay. Hindi lang minsan kundi araw-araw.

Hahanapan pa raw kami ng bahay na tutuluyan namin kung saan hindi ako mahihirapan sa araw-araw na byahe dahil may pasok pa'ko samantalang sya ay tumutulong sa daddy niya sa pagpapatakbo ng kompanya.

Living with someone you barely know lalo na't alam mong hindi magiging maayos ang pakikitungo nyo sa isa't isa is very difficult.