Chapter 45

FLASHBACK

"Rosanna, ikaw na!" sigaw sa kaniya ng isang bading na crew.

Mahirap lang s'ya at umeekstra sa mga shooting— pelikula man o drama series sa TV. Isa s'ya sa mga nangangarap na aasenso at makaaahon sa hirap. Patay na ang mga magulang niya at dahil hindi naman sila mayaman, kahit second year college ay hindi niya natapos. Mabuti na lang at mahilig s'yang manood ng mga Hollywood movies sa TV ng kapitbahay nila kaya natuto s'ya ng tamang bigkas at kilos. Kayang kaya niyang umastang mayaman kahit na mas mahirap pa s'ya sa daga.

Kaya kahit malayo itong Davao, nang alukin s'ya na gumanap bilang diwata sa ilog ay pumayag s'ya. With the kind of face she has and the body she possess, walang tatanggi sa alindog niya. Ganoon pa man ay hindi s'ya mabigyan ng magandang break. Hindi iisang beses s'yang ibinuyo ng mga kasama na makipagsabayan sa mga bagong artista— ibig sabihin ay kailangan niyang sumiping sa direktor para makuha ang pinakamagandang role. Pero hindi niya kaya. Ayaw niya.