Simula

Jessa's POV

DAPIT-HAPON. Naghahalo ang kulay pula at kahel na kulay ng kalangitan. Malamig ang simoy ng hangin pero payapa ang dagat. Napapaligiran ng lantern ang mga paligid na siyang nagbibigay naman ng liwanag. Mas lalong nagmukhang romantic ang lahat.

Pakiramdam ni Jessa mas lalong nanginginig ang kalamnan niya habang naglalakad papunta sa kinaroroonan ni Xyrius, na guwapong-guwapo sa suot nitong puting amerikana. Sa tabi nito ay si Gareth, at si Kristoff, na kakakasal lang kay Mina, two weeks ago. Ang dalawa ang tumayong bestman. Habang si Mina at Emma naman ang mga maid of honor niya.

Yes 'mga', ayaw kasing pumayag ni Emma na tawaging brides maid. Hindi raw matatanggap nito na maging maid niya kahit pa sa anong sitwasyon. Naitirik niya na lang ang mga mata at pumayag sa kagustuhan nito.

Kahit papaano nagkasundo na sila ni Emma. Pakiramdam niya tanggap na siya nito para kay Xyrius kahit minsan pasimple pa rin siya nitong minamaldita at nilalait.

Puno ng iba't ibang bulaklak ang paligid. Na sa beach sila kung saan siya dinala ni Xyrius noon. Napakaikli lang ng naging preparasyon ng kasal nilang dalawa kaya hindi niya akalaing magiging perpekto ang lahat.

Pinunasan niya ang mga mata, iniingatang huwag masira ang mascara.

Naramdaman niya ang pagtapik ng Papa niya sa kanyang kamay na nakaangkla rito.

Kagat-kagat nito ang labi habang pigil-pigil ang pag-iyak.

Muli siyang napatingin kay Xyrius. Matiim itong nakatingin sa kanya habang hinihintay siyang makalapit dito.

Naiiyak siya habang nakatingin sa lalaking makakasama niya ng pang habang buhay. Ang magiging ama ng mga magiging anak niya. Ang lalaking nanaisin niyang makasama hanggang sa huling hininga niya.

Habang papalapit siya kay Xyrius saka niya lng nare-realize kung gaano niya ito kamahal.

"H-Hi..." bati ni Xyrius sa kanya pagkatapos nitong magmano at yakapin ng Papa at Tita Betty niya.

Nanginginig ang boses nito at panay ang lunok. Nakita niyang miski ito ay pinipigilan din ang mapaiyak.

"Hi..." aniya at iniabot ang kamay nito.

"You are so beautiful, doll..." bulong ni Xyrius sa kanya habang inalalayan siya nito papunta sa arko na napapalibutan ng mga bulaklak kung saan nakatayo ang Paring magkakasal sa kanila.

Nagsimula ang seremonya ng kasal. Lahat ay naging perpekto maliban na nga lang sa hindi 'raw' sinasadyang pagtusok ni Emma ng pardible sa balikat niya. Bukod doon lahat ay napakaperpekto.

Lahat ay nagsasaya hanggang sa reception na ginanap din sa Isla. Bumabaha ng alak at lahat ay nagsasayaw sa gitna.

Miski si Xyrius ay halatang masayang-masaya at lasing na rin. Tumayo ito sa tabi niya at pinakalansing ang baso gamit ang tinidor para agawin ang atensiyon ng lahat ng bisita.

Tumuon ang atensiyon ng lahat sa kanilang dalawa. Inalalayan siya ni Xyrius na makatayo. Namumula na ang mukha nito sa kalasingan.

"I want you all to know how much I love this woman ..." bumaling ng tingin si Xyrius sa kanya. Gusto niyang malunod sa sobrang pagmamahal na nakasalamin sa mga mata nito. Hinaplos nito ang pisngi niya saka buong pusong sinabi, "I love you, doll, I love you so much and in my next life I still want to love you," anito at saka siya hinalikan sa mga labi.

Sigawan at palakpakan ang mga taong malalapit sa kanila na nakasaksi ng ginawang iyon ni Xyrius.

She clicked the pouse button dahil pagkatapos nang nakakakilig na ginawa ni Xyrius natumba na lang ito sa sobrang kalasingan.

Walang naganap na honeymoon sa gabi ng wedding night nila. Hindi rin sila magkatabing natulog dahil gumulong ito sa kama at sa sahig pinulot. Nainis siya dahil hindi iyon ang plano nila. Hindi iyon ang ini-imagine niyang mangyayari.

First night nilang mag-asawa pero natulog siyang naiinis dito.

Bumawi naman si Xyrius. Kinabukasan lumipad sila patungo sa Carribean. Doon sila nag-honeymoon, kaso ang balak nilang dalawang buwan na honeymoon ay agad na naputol dahil sa pagkamatay ni Mina, ang bestfriend niya.

Umuwi siya kaagad nang malaman ang balita. Iyak siya nang iyak nang malaman ang nangyari sa bestfriend niya.

At hanggang ngayon masakit pa rin sa kanya ang nangyari kahit halos dalawang taon na ang nakakaraan.

Wala tuloy siyang masabihan man lang ng mga nangyayari sa kanila ngayon ni Xyrius.

Kung nandito sana si Mina, mayroon siyang mahihingahan ng sama ng loob.

Tumayo siya mula sa couch sa loob ng entertainment room. Kanina pa niya pinanonood ang wedding video nila. Paulit-ulit niyang binabalikan kung gaano sila kasaya ni Xyrius noon.

Kung gaano siya ka-secure sa pagmamahal nito.

Ngayon kasi parang malabo na ang lahat.

Parang ang layo na nila sa isa't isa.

At gusto niyang balikan ang dating sila, pero paano?

Paano siya babalik kung mag-isa lang siyang lumilingon sa nakaraan nila?

Mapait siyang napangiti.

Nakaraan...

Nakaraan na lang ba ang saya? Hanggang pagbabalik tanaw na lang ba siya?

Lumabas siya ng silid. Tahimik na ang paligid at nakapatay na rin ang mga ilaw sa mansion. Tinalunton niya ang pasilyo patungo sa silid na nagsisilbing opisina ni Xyrius dito sa bahay.

Bahayang nakaawang ang pintuan kaya nasilip niya ang loob na hindi namamalayan ni Xyrius.

Naroroon si Xyrius nakaupo sa likod ng malaking table nito. Sapo-sapo ang ulo, may whiskey at baso sa harap nito.

Ilang linggo nang ganito ang asawa niya.

Mas madalas na late nang umuwi at palaging lasing. Kapag naman naririto sa bahay nagkukulong dito sa opisina niya at umiinom din.

Nasasaktan siya na ganito na sila. Hindi niya alam kung paanong napunta sila sa ganitong sitwasyon.

Nagsawa na ba si Xyrius sa kanya? Nagsisisi ba ito? Gusto na ba siya nitong hiwalayan?

Hindi niya alam ang lahat ng sagot sa mga tanong niya.

Ayaw rin naman kasi siyang kausapin ng asawa. Umiiwas ito sa kanya at nasasaktan siya sa ginagawa nito.

Napabuntong-hininga na lang siya at marahang isinara ang pintuan. Naglakad siya pabalik sa masters bedroom. Nahiga siya, inabot ang unang ginagamit ni Xyrius at niyakap. Nami-miss niya na ito.

Miss na miss niya na ang asawa...

To be continued...