Chapter 14

DAHIL sa nakita ko ay talagang nagpatulong ako kay Grand na magtago kay Brandon. Natatakot kasi ako na baka saktan ako ni Brandon. Kung kaya nitong pumatay. Tiyak na kaya din niya akong patayin.

Ilang buwan na mula nang magtago ako. Kahit na alam ko na malapit na akong magtapos sa kolehiyo ay mas pinili kong magtago na lang. Napatitig pa rin ako sa kawalan. Pag nakikita ko kung paano kalabitin ni Brandon ang baril sa mismong harapan ko. Kasalanan ko din naman iyon, kung bakit pa kasi ako sumunod sa kanya. Malay ko bang may papatayin pala ito.

Agad akong nagpunta sa main door nang may nagdoorbell. Binuksan ko ito. Nakatalikod sa akin ang lalaki.

"Yes?" tanong ko sa kanya. Humarap ang lalaki. Naging masaya ang bukas ng mukha ko nang makilala ko ito.

"Grand. Mabuti naman ay dinalaw mo ako." Isang buwan na kasi mula ng huling dalaw nito sa akin.

"Am I Grand to you?" Isang malamig na boses ang ibinigay nito sa akin at alam ko kung sino ang may-ari noon.

"Brandon," wala sa sarili kong sambi