Chapter 26.2

Napakunot ang noo ni Mario habang nakasakay siya ng kaniyang sasakyan. Pauwi na sana siya ngunit tumawag ang kaniyang boss at sinabing makipagkita raw siya rito sa bahay ni Cathy. Gusto sana niyang magpahinga dahil napakarami ng knaiyang ginawa sa kaniyang opisina dahil sa ilang araw na hindi niya halos pananatili sa opisina dahil nga sa pagkamatay ng matandang iyon ngunit dahil nga utos ng boss niya na makipagkita siya ay wala siyang magagawa kundi ang sumunod na lamang rito.

Ilang metro pa nga lang ang natatakbo ng kaniyang sasakyan ng bigla na lamang niya naramdaman ang pagka- flat ng kaniyang gulong at mabuti na lamang at mabilis siyang nakapag- preno. Ipinark niya sa gilid ng daan ang knaiyang sasakyan at pagkatapos ay mabilis na lumabas ng sasakyan upang tingnan ang kaniyang gulong.

Napailing na lamang siya nang makita na hindi lang isang gulong niya ang flat kundi dalawa pa sa harap. Hindi siya makapaniwalang napaupo upang tingnan ang mga ito, halos tuwing aalis naman siya ay c