Chapter 26.3

“Ano?” tanong nito at biglang nagsalubong ang mga kilay.

Dahil sa ekspresyon ng mukha nito ay mukhang may hindi na naman magandang nangyari at hindi niya alam kung tungkol saan iyon. Nanatili siyang nakatitig rito at pagkatapos ay nakinig lamang sa mga susund na sasabihin nito.

“Paano yun nangyari?” kunot na kunot ang noo nitong tanong sa kausap nito.

Sa pakiwari niya ay mukhang si Mario na ang kausap nito dahil sa tono ng boses nito. Mukhang sa wakas ay nagawa na nitong silipin ang cellphone nito. Napahilot ito ng sentido at pagkatapos ay muling bumalik sa loob ng kaniyang bahay, ang plano nitong pag- alis na sana kanina ay hindi na nito nagawa pa dahil nga sa may tumawag na rito.

Sinundan niya lamang ito ng tingin at sumunod rito.

“Wala bang nakakita?” tanong nito sa kausap at kitang- kita niya ang pagkuyom ng isa sa mga kamay nito at halos maglabasan din ang mga ugat nito sa noo, tanda na nagpipigil na naman ito ng galit. Mukhang may hindi na naman talaga magandang nangyari, sana