6- MARGO

"Oi graveh ka naman, ano naman ang mali sa damit ko? kailan ka pa naging concern sa hitsura ko? Hindi na bale Don na hindi ako nakakasunod sa mga usong damit ang importante ay nakakatulong ako sa mga kapatid ko, alam muna naman na sila ang priority ko sa buhay," ganti niya rin.

"Malaking mali na pabayaan mo ang sarili mo beshie, sige na okay na akong tulungan mo ang mga kapatid mo pero magtira ka naman para sa sarili mo, paminsan-minsan magsaya ka naman at magtira ka para sa sarili mo," wika pa ni Donna.

"Beshie, alam ko naman iyon pero mas mahalaga talaga ang kapakanan ng mga kapatid ko sa ngayon, kakayanin ko lahat ng hirap mabigyan ko lang sila ng magandang kinabukasan,"matapat niyang sabi.

"Oo na beshie ikaw na ang nagwagi sa pagiging ulirang ate ever, pero besh seryoso ano na ang desisyon mo? you are running out of time, kailangan munang pumili perlas mo o kapakanan ng pamilya mo?" untag pa ni Donna.

"Hindi ko talaga alam Don, litong-lito pa talaga ako, haist... maskin nga pamasahe wala ako, eh, paano naman kasi nawalan na ako ng ganang kunin ang mga kakanin sa supplier ko dahil sa isiniwalat na problema nila inay," desperada niyang sabi.

"Hay naku, beshie, siguro mabuti pa samahan mo ako mamayang gabi magwalwal naman tayo, akong bahala sa iyo, eselebreyt naman natin ang napipinto mong graduation, ibigay muna iyan sa sarili mo," nakangiting suhestiyon ni Donna.

"Ano naman iyang naiisip mo Donna? alam mo naman na hindi ako mahilig sa mga ganyan, huwag na okay na ako dito magpalipas ng sama ng loob," angal niya sa kababata.

"Napakakill joy mo naman beshywapz, ngayon lang naman kasi wala akong kasama magbar hopping, may importanteng lakad kasi si boyfie, sige na para naman mawala kahit sandali iyang problema mo," pang-iingganyo pa ni Donna.

"Hay naku, Don, huwag mo na ako isama diyan dahil hindi naman ako umiinom ng alak," tanggi niya pa.

"Iyon na nga beshie, subukan mo kayang magliwaliw paminsan-minsan lalo na ngayong nalilito ka kung ano ang magiging desisyon mo sa problemang pinasa sa iyo ng magaling mong tiyuhin, live a life beshie!" turan pa ng kababata.

"Hay naku, beshie, huwag muna nga akong pilitin diyan isa pa wala akong isusuot, mabuti pa nga itulog ko na lang itong problema ko baka sakaling paggising ko may maisip na akong mabuting solusyon," awat niya sa kinakapatid sa pamimilit nito sa kanya.

"Basta beshywapz mamaya isasama kita sa ayaw at gusto mo," pilit pa ng kaibigan na hindi niya pinakinggan dahil humiga na siya sa hindi kalakihan na kama nito sa maliit nitong silid.

Kasalukuyan kasi siyang nasa bahay ng kababata matapos niyang umiyak ng umiyak sa kuwarto niya.Naisipan niyang kausapin si Donna at humingi ng tulong ngunit wala din siyang nahita dahil pareho lang din sila na estudyante pa lamang at umaasa pa rin sa mga magulang.

Ngunit kung siya any masipag maghanap ng raket na pagkikitaan, ang kababata naman ay liwaliw lang ang alam na gawin.Palibhasa ay nag-iisa lang itong anak ng mga magulang nito.At lagi din wala sa bahay ng mga ito ang mga magulang ni Donna dahil may maliit itong sakahan sa bukid.