KABANATA 18 "WORK FROM HOME"

"WALA ka bang pasok sa office ngayon?" ang naitanong ni Mia kay Erik nang araw ring iyon. 

Dala ang isang tasa ng mainit na kape ay nakatayo noon si Mia sa may pintuan 

Huling salang na ng mga labahin sa washing machine, at dahil nga automatic iyon ay nagawang isabay ni Mia ang paglilinis sa paglalaba habang ang binata ay nakita niyang nasa kwarto nito at abala sa pagtatrabaho. 

Nilingon siya ni Erik ng nakangiti. At dahil agad na nagtama ang paningin nilang dalawa noon nakita ng dalaga ang mabilis na pagkislap ng mga mata nito.  

"Nagpaalam ako na dito ko na tatapusin itong trabaho ko," sagot sa kaniya ng binata nang mailapag niya ang tasa ng kape sa working table nito. "salamat," dugtong pa nito. 

"Malapit na akong matapos maglaba, anong gusto mong ulam para sa lunch?" hindi alam ni Mia pero nasa puso niya ang paghahangad na sana kahit sa ganitong paraan lang ay magawa niyang ibalik kay Erik ang lahat ng