KABANATA 19 "LOOK AT ME"

HINDI masabi ni Mia kung ang mga halik ba ni Erik ang dahilan kaya nawalan siya ng kakayahan para tanggihan ang lahat ng ginagawa nitong pananalasa ngayon sa katawan niya. Pero kailangan rin niyang aminin sa sarili niya na ang lahat ng nangyayaring itong ngayon ay tila ba katuparan na lamang ng lahat ng pangarap at pantasya niya noon sa binata.

Siguro nga kaya hindi narin naging patas ang pagkakataon sa kaniya sa piling ni Bernie ay dahil sa katotohanang hindi nawala ang binatang ito sa puso niya. At iyon ang dahilan kaya may mga pagkakataon na sumasagi na lamang itong bigla sa isipan niya. Dahil puso niya mismo ang nagpapaalala? O dahil ang puso niya mismo ang nagsasabing alalahanin niya ito?

Kung alin man sa dalawa, hindi na mahalaga. Basta ang alam niya masaya siya ngayon at parang kapag kasama niya ang binata ay nakakalimutan niyang minsan sa buhay niya ay gumawa siya ng isang desisyon na pagsisisihan pala niya, at iyon ay walang iba kundi si Berni