Chapter Twelve

MABILIS na lumipas ang mga araw at mas naging abala pa si Cherry sa paghahanda ng kanilang nalalapit na kasal ni Marvin. Lahat ng detalye sa kanilang pag-iisang dibdib ay gusto niyang siya mismo ang mag-asikaso o kaya naman ay silang dalawa ni Marvin kung hindi busy ang kasintahan. Ang ibang araw naman na hindi siya duty ay ginugugol niya sa kanyang anak. Minsan ay isinasama niya ang bata sa pamimili ng mga kakailanganin sa kasal. Ayaw niyang maramdaman ng bata na nababalewala na siya ng kanyang ina. Bagaman sa murang edad nito ay naiintindihan na ni Margaret ang sitwasyon nilang tatlo ay gusto pa rin ni Cherry na ipadama sa anak na mahal na mahal niya ito.

Naging madalas na rin ang pagdalaw ni Carlo sa bata. Minsan naman ay sinusundo niya ito at isinasama sa kanilang bahay upang makapiling ng kanyang magulang. Naging panatag na ang loob ni Margaret sa kanyang ama at sa pamilya nito. Isang araw ay sinundo ni Carlo ang bata at dinala sa isang mall upang ibili ng laruan at ilang gamit