You are not invited

Ashley

Late na akong pumasok sa office. Mahabang oras din pala ang inubos ko kina Cindy at Gem. Kung hindi nga lang dahil may malalaking projects kaming hawak, mag-a-absent na lang ako ngayon.

Eksaktong nagpa-park ako ng kotse nang bumaba si Sherry sa sasakyan niya, kasunod lang ng sa akin. Nahiya pa akong batiin siya. Pero dahil kumalma naman na ako, pinili kong batiin siya.

Ngumiti naman agad si Sherry. That was a sign na hindi na siya galit sa akin.

“Bakit late ka, ghorl? Ngayon ka lang ba papasok o may inasikaso ka rin sa labas kagaya ko?” tanong pa niya. Sumandal ako sa gilid ng kotse ko. Parang may nakitang kung ano mula sa akin si Sherry at biglang nag-form ng ‘O’ ang mga labi niya. “Ano’ng nangyayari sa ‘yo, girl? Bakit mugto ang mga mata mo, `tapos namumutla ka pa?”

“Wala ito,” sabi ko na lang. I was not sure if I was ready to tell her everything, lalo na iyong mga ginawa ko kanina.

“`Yong totoo, magkaaway pa rin ba kayong mag-asawa?”

Hindi ko nagawang magsalita. Hindi lang