Chapter 3

Hapon na nang makauwi sina Moana at Papa Zacharias, at naabutan nila si Luke sa doorway, nakataas ang kilay habang humihithit ng sigarilyo.

"Son! It's nice to see you again!" masayang bati ni Papa Zacharias at agad na niyakap si Luke. Ngunit ang tingin ni Luke kay Moana ay matalim at malamig.

"Pasok," maotoridad nitong utos, habang titig na titig kay Moana. Napansin niya ang pagkunot ng noo ni Papa Zacharias.

"Hey! kausapin mo ng maayos ang asawa mo!" pigil na galit na sabi ni Papa Zacharias.

"Umuwi ka ba para diktahan ako kung paano ko kakausapin ang asawa ko? Kung paano ko siya tratuhin?" inis na sagot ni Luke.

"Luke, ano ba! Papa mo 'yang kausap mo!" sagot ni Moana.

"So?" sagot ni Luke at ngumisi.

"Sa susunod, wag mong dinadala-dala sa kung saan saan 'tong babaeng 'to. She is not allowed to go outside of this mansion," litanya ni Luke.

"Don't be so arrogant, Luke. I can take all what you have. Remember that," banta ni Papa Zacharias. Napatahimik si Luke.

"Whatever!" inis na sabi nito at naglakad papasok sa loob ng mansion.

"Is this how he treats you, Moana?" tanong ni Papa Zacharias, halong pag-aalala at inis sa mukha niya.

Hindi kumibo si Moana. Nakayuko lang siya habang pumapasok at umaakyat patungo sa kanyang kuwarto.

Pagpasok sa kanyang silid, agad siyang humilata sa kama. Huminga siya ng malalim dahil bigat na bigat sa dibdib ang kanyang nararamdaman. Kanina lang sa mall, magaan ang pakiramdam niya kasama si Papa Zacharias, ngunit ngayon, matapos makaharap si Luke at makita ang ipinakita nito sa ama, parang may mabigat na nakadagdang sa kanyang dibdib.

Mabilis lumipas ang oras at hindi niya namalayan na maghahapunan na kung hindi lang siya tinawag ni Bonita.

"Ma'am Moana, kakain na po," tawag nito mula sa labas ng pinto.

Dahan-dahan siyang tumayo at matamlay na naglakad patungo sa pinto.

"Oh, si Luke ayain mo na rin, palabasin mo na rin," nakangiting bungad kay Moana ni Papa Zacharias. Sumilip siya sa loob ng kuwarto at nagulat si Bonita dahil nasa likuran na pala niya si Papa Zacharias.

Magsasalita na sana si Moana para magdahilan, ngunit napatingin silang lahat kay Luke na kalalabas lang ng kuwarto.

"What?" tanong ni Luke, patuloy lang sa paglalakad pababa.

"Sumunod ka agad, mag uusap-usap tayo!" galit na sabi ni Papa Zacharias at mabilis na bumaba upang sundan si Luke.

Nagkatitigan lang si Moana at Bonita, bago sila naglakad papunta sa dining. Hindi pa man sila nangangalahati sa hagdan ay nadinig na nila ang sigaw ni Luke.

"Pwede ba! Umalis ka nalang dito! Tutal diyan ka naman magaling e! Tapos ngayon uuwi ka at makikialam sa amin ng asawa ko!" sigaw ni Luke. Napahinto sila ni Bonita sa paglakad dahil sa tensyon sa baba.

"Hindi ko kayo pinapakialaman! Tinatanong kita kung bakit ganyan mo itrato ang asawa mo!" sigaw rin ni Papa Zacharias.

"E ano bang pakialam mo?! Kahit alilain ko siya wala kang pakialam!" sigaw ulit ni Luke.

Bigla na lamang humawak si Moana sa kamay ni Bonita dahil sa sinabi ni Luke, habang si Bonita naman ay marahang hinahaplos ang kanyang likod.

"Gago ka ba Luke ha?! Nakita mo ba kung paano ko pahalagahan ang mama mo noong nabubuhay pa siya?! Kung ayaw mo diyan sa asawa mo, isauli mo sa pamilya niya! Kesa sa pinapahirapan mo dito!" sigaw pa ulit ni Papa Zacharias.

"E ulila na nga 'yan e! Saan ko pa siya isasauli?! Naawa na lang ako sa kanya kaya ko siya pinakasalan! Hindi ko nga alam kung bakit yun pa naisipan kong gawin e, nakakapagsisi!" litanya ni Luke, halata sa boses niya ang pagkadismaya.

"You're unbelievable Luke! Unbelievable!" galit na sigaw ni Papa Zacharias.

Hindi na naghintay si Moana pang magsalita si Luke. Sapat na lahat ng narinig niya para madurog ang puso niya ngayong gabi. Bumaba sila ni Bonita at peke siyang ngumiti sa mag-ama.

"A-ayos lang po ba kayo?" kunwari'y tanong ni Moana.

"Obvious ba?! Syempre hin—"

"Don't worry hija, we're fine," putol ni Papa Zacharias kay Luke, sinamaan ito ng tingin, at naglakad patungo sa dining para umupo.

"Let's eat," saad nito ng makaupo sila ni Luke.

"Fix yourself Luke," parang bantang sabi ni Papa Zacharias kay Luke. "Hindi tama ang ginagawa mo," dagdag pa niya. Dininig ni Moana ang pagbuntong-hininga ni Luke.

Tahimik lang ang hapag hanggang sa matapos sila at tatayo na sana. Marahang tinapik-tapik ni Papa Zacharias ang mesa.

"Answer all my questions," panimula niya.

"Bakit magkahiwalay kayo ng kuwarto?" tanong niya. Nagkatinginan lang sila ni Luke habang siya ay minamatahan si Moana, senyales na magsisinungaling siya sa harap ng ama nito.

"Ahh... h-hindi po kasi ako sanay na may katabi..." palusot ni Moana.

"Then why you marry my son? Paano kayo makakabuo kung magkahiwalay ang kuwarto ninyo?" may inis sa boses ni Papa Zacharias.

"Lahat nalang talaga nakikita mo, i can f**k her kahit magkahiwalay kami ng kuwarto! Pakadaling bagay e," inis na balik ni Luke.

"And you think maniniwala ako?" saad ni Papa Zacharias.

"If you want, i can f**k her in front of you, para maniwala k—"

"Luke!" halos dumagundong sa loob ng mansion matapos sumigaw si Papa Zacharias.

"Wala ka na ba sa katinuan?! How can you say that right in front of your wife?! Right in front of my face!" gigil na sigaw ni Papa Zacharias.

Hindi na maiwasan ang tensyon sa pagitan nila habang nakayuko lang si Moana at pilit pinapakalma ang kamay na nanginginig mula kanina.

Ngayon lang may nagtanggol sa kanya. Akala niya matutuwa siya, ngunit mas lalo lang siyang nasasaktan ngayon, naiinis sa sarili dahil sa kanya nagkakainitan ang mag-ama.