Chapter 4: News

Gabi na at nagsisipaghandaan na rin ang ilang nagtratrabaho sa restawrant ni Sadie para umuwi. Habang abala siya sa pagtingin kung naayos na ba ang mga mesa at upuan, bigla na lang siyang tinawag ng isa sa mga part-timers.

"Ma'am! Ma'am!" tila aligaga nitong tawag. Napapahapid pa ito sa kaniyang buhok dahil hinahawi iyon ng hangin habang tumatakbo ito.

"Bakit?" natatarantang tanong ni Sadie habang mabilis na naglalakad palapit dito. "May problema ba?"

Napatingin siya sa telebisyon na kasalukuyang nakabukas. May telebisyon rito sa restaurant at may kalaparan iyon. Binubuksan lang ito kapag tapos na ang oras ng trabaho para kahit papaano ay makapagpahinga muna ang mga nagtratrabaho rito bago umuwi.

"Ikaw po ba ang babaeng 'yan?" tinuro nito ang balita sa telebisyon.

"Tatlong araw matapos ang pormal na pag-anunsiyo ni Mayor Ludwick ng kaniyang kandidatura, gumagawa ng ingay ngayon sa social media ang kumakalat nitong larawan na may kasamang babae. Bagamat hindi malinaw kung ang mayor ba ito ng San Catalia, may mga nagsasabi na ang mayor nga talaga ito dahil sa paraan nito ng pananamit."

Ilang segundong tiningnan ni Sadie ang larawan sa telebisyon. Siya at si Ludwick nga iyon at nakuha ang larawang iyon pagkatapos nilang mag-check in sa hotel. Magkahiwalay pa sila noong pumasok at lumabas. Sa pagkakaalala ni Sadie, noong nakaraan pa iyon nang ipagdiwang nila ang kanilang fifth anniversary. Nagkasabay lang sila nang kinailangan nang sumakay ni Sadie sa isang taxi. Base rin sa larawan na ipinakita sa telebisyon, kuha ito mula sa itaas.

Gustong-gustong sabihin ni Sadie na sila nga iyon ni Ludwick. Gusto niyang ipagsigawan kung ano ang namamagitan sa kanila ng sikat na mayor. Kung ano ang paborito nilang gawin, paborito nilang puntahan, at paboritong panoorin.

Bago pa man makasagot si Sadie, naunahan na siya ni Ludwick na nakapanayam na pala ng reporter.

"Hindi po ako 'yan and to tell you, I'm not seeing any woman."

Napalunok si Sadie ngunit ipinagpatuloy pa rin nito ang panonood.

"I'm single but in a long-term relationship with my responsibility as a mayor."

Sadie's eyes were there again, ready to brim tears that would ask for explanation. She was holding herself and after a few seconds, she then forced herself to plaster a fake smile.

"That's definitely not me," she said, sounding as if she didn't care with the news. "Why would I be with a mayor who always wants my business to be under inspection? Kung magkakaroon man ako ng boyfriend, it will never be that mayor." She heaved a sigh, and when she realized that she couldn't hold it anymore, she excused herself. "Excuse me, magbabanyo lang ako."

Tinakbo ni Sadie ang daan papuntang banyo at kaagad na isinara ang pinto. Napasandal siya sa pinto at sinapo ang sariling ulo. Sa pagkakataong iyon, kaagad niyang kinagat ang kaniyang labi para hindi mapahagulhol. Hinayaan niya ring lumandas ang mga luha habang inaalala ang mga sinabi ni Ludwick.

"Hindi po ako 'yan and to tell you, I'm not seeing any woman."

"I'm single but in a long-term relationship with my responsibility as a mayor."

***

"That's what I like about you, Uno. Palagi kang bumabawi sa mga pagkakamali mo." Ibinaba ng ama ni Ludwick ang hawak nitong cup matapos itong uminom ng tsaa. Katatapos lang din nito mapanood ang balita tungkol sa isyung nahuling may kasamang babae ang anak.

Napasinghal si Ludwick at napatingin sa ama. Kanina pa gustong umalis ni Ludwick sa harap ng kaniyang ama para tawagan sana si Sadie ngunit hindi siya makaalis. Tinuturuan siya ngayon ng kaniyang ama kung paano pa niya mapapabango ang kaniyang pangalan.

"Nga pala, nasabi ko na ba sa iyo na nais kitang ipakilala sa anak ng kumpare kong may-ari ng pinakamalaking hacienda rito sa San Catalia? His daughter is a perfect match for you. Pareho kayong mga panganay at may mga magagawa para sa pamilya."

"I don't need a woman," diretsahang sagot ni Ludwick.

"You don't need a woman? Or you don't need another woman?" Naging matalas ang mga tingin ng ama nito sa kaniya. Bigla namang may kung anong tumusok sa puso niya dahil para siyang nabigla sa sinabi ng ama. "Akala mo ba ay hindi kita binabantayan? Alam kong madalas kang pumupunta sa Marasa Restaurant."

Ludwick struggled to swallow the lump on his throat. It even took him seconds before he was able to think of a cover up reason causing his father to smirk.

"I'm having talk. . .uhm. . .let's say a collaborative talk. The restaurant needs worker at gusto ng may-ari na kunin ang mga taga-rito sa San Catalia para magkaroon ang mga ito ng trabaho. Also, nakipag-ugnayan na rin ako sa San Catalia Vocational School, so that Marasa Restaurant will be their industry partner kapag may work immersion ang students."

Hindi alam ni Ludwick kung makukumbinse ba niya ang ama sa ginawa niyang rason. Wala siyang kinalaman sa partnership ng San Catalia National Vocational School at ng Marasa Restaurant, nabanggit lamang iyon sa kaniya ni Sadie.

Ganoon pa man, umaasa siyang magmumukhang totoo ang sinabi niya lalo na at may proyekto siyang may kinalaman sa pagtulong sa mga naghihirap na estudyante.

"Just to make it clear. I want to know. Are you dating the Marasa Restaurant's owner?"

Bahagyang inilapit ng ama niya ang mukha nito sa kaniya para hindi na makawala pa ang pakikipagtitigan niya rito. Gusto ring masiguro ng ama niyang hindi siya nagsisinungaling.

"I'm not dating that woman," pagmamatigas ni Ludwick at sinubukan nitong tikasan ang kaniyang boses para hindi mapaghalataang nagsisinungaling siya.

Balak sana ng ama nito na tanungin pa siya ngunit biglang lumapit sa kanila ang isa sa mga katulong.

"Don Leandro, dumating na po si Sir Lewis."

Nakita ni Ludwick kung paano nagliwanag ang mukha ng ama nang sabihin ng katulong na nakauwi na ang kapatid nitong si Lewis na siyang pangalawa sa kanilang limang magkakapatid.

Kaagad na tumayo ang ama nito at iniwan siya. Pinagmasdan niya kung paano naglakad ang ama papunta sa kapatid sabay yakap dito nang mahigpit.