Chapter 3: The Mayor II

Sobrang tahimik ng bar dahil walang katao-tao, pero pinili pa ring pumasok ni Ludwick. Mula sa entrance, kaagad niyang nakita ang kapatid niyang madalas na nagbibigay sa kaniya ng sakit ng ulo.

"Mayor!" sigaw ng kapatid nito nang makilala siya. "What brought you here? I mean, may gusto ka bang inumin?"

Madaling makikilala itong si Ludwick dahil sa tuwing lumalabas ito, madalas ay white long-sleeved polo ang suot niya at naka-unbutton ang dalawang butones sa itaas. Palagi niya rin itong pinaparisan ng shorts at white sneakers. Higit sa lahat, hindi mawawala ang sunglasses niya dahil ayaw niyang pinagtitinginan siya nang dahil sa kaniyang mga mata.

Seryosong napatindig si Ludwick at hindi nagawang matuwa sa kapatid. "For Pete's sake, Leonidas! You don't have to call me mayor dahil magkapatid naman tayo."

"Chill, dude!" natatawang saad ni Leonidas.

"Hindi ako si Fifth at lalong hindi mo ako kaedaran,” giit naman ni Leonidas dahilan para magkunot ang noo ni Ludwick.

"What? Ano bang gusto mong itawag ko sa 'yo?" Napapailing na nilagyan ni Leonidas ng brandy ang baso saka inabot sa kapatid. Tinuro rin nito ang bakanteng stool. "You know what, I suggest na dalaasan mo ang pagtambay mo rito para naman magkaroon ka ng time sa sarili mo." Umusog nang kaunti itong si Leonidas at bumulong sa kapatid. "Para magka-girlfriend ka naman."

Tumawa itong si Leonidas ngunit nanatiling seryoso itong si Ludwick. Napatingin naman siya sa inabot sa kaniyang baso kanina. Kinuha niya iyon saka nilagok.

"I came here to check on you at baka may ginagawa ka namang makakapagpahamak sa akin," diretsahang sabi ni Ludwick saka ibinaba ang baso.

"Dude. . ." Napaismid itong si Leonidas. "I mean, Kuya, wala ka bang tiwala sa akin? At isa pa, I didn't ask you to help me noong sumabit ako to clear my name."

"Of course, you don't have to do that. As your older brother, responsibilidad kita. Responsibilidad ko kayo!" seryosong saad naman ni Ludwick.

"Responsibilidad mo ba kami? O ang responsibilidad mo ay ang tungkol sa maaaring sasabihin ni dad?"

Ludwick was caught off guard. If there's something he couldn't keep up with his twin brothers, iyon ay ang kabalbalan ng mga bibig nito. Lamang lang itong si Leonidas. Ilang segundo siyang natahimik.

Ludwick was only sent back to reality after Leonidas gave him another glass to drink.

"Galing mo kanina, ah. Paano ba maging katulad mo nang mas marami pa ang magkandarapa sa akin?" tanong ni Leonidas habang binubuhusan ang sariling baso ng brandy. Parang wala lang sa kaniya ang sinabi niya kanina sa nakatatandang kapatid.

Ludwick heaved a sigh. "You wouldn't want to be in my position kapag alam mo na ang pakiramdam. I wish I was born as late as you."

Napatitig lang si Leonidas sa nakatatandang kapatid. Batid niyang iba ang galawan ni Ludwick sa kaniya, sa kanilang magkakapatid. Ganoon pa man, kahit gaano niya kahirap subukang magpaka-pormal katulad ng kuya niya, madalas ay nagagapi siya ng pag-uugali niya.

"I have to go. Again, I just had a visit to check your bar and to check on you. Huwag mo nang pasakitin pa ang ulo ko." Iyon na lamang ang sinabi ni Ludwick saka tinapik ang balikat ng kapatid bago tuluyang lumabas.

***

Nasa tapat nagyon ng isang mamahaling restaurant itong si Ludwick. Napatingin muna siya paligid bago tinahak ang landas papasok. Maraming tao ngayon at normal na lang iyon para sa isang sikat na restaurant sa kanilang lugar. Vintage style ang restawrant at isa iyon sa gusto niya. Hindi gaanong masakit sa kaniyang mga mata ang brown color ng mga kagamitan at ang soft-yellow lights ng mga ilaw. Masarap din ang mga pagkain na inihahain dito at lahat ay nakatuon sa mga putaheng nagpapakita ng marubdob na pagmamahal sa bayan.

Hindi iyon ideya ng may-ari o ng pinakamagaling na tagaluto ng restaurant. Ideya iyon ni Ludwick. Maliban kasi sa pagkain at disenyo ng restaurant, ang tanging pakay niya ay kahit matapunan man lang ng tingin ang may-ari. Si Sadie.

Tinawag na ni Ludwick ang waiter at nagpakilala siya bilang isang mayor—bagay na hindi na niya dapat pa ginawa dahil kilala naman siya ng karamihan. Sinabihan din niya ito na nais niyang makausap ang may-ari dahil magkakaroon ng inspection sa establis'yemento sa mga susunod na araw ang mga kinauukulan.

Wala talagang plano kanina na dumaan si Ludwick sa kapatid na si Leonidas. Ang nais niya lang ay magkaroon siya ng irarason sakaling tanungin siya ng ama kung saan siya nagpunta.

"Lud. . .Mayor!" Muntik nang makalimutan ni Sadie ang magpanggap. Akma pa nga nitong yayakapin at hahalikan si Ludwick, mabuti na lang at mabilis siyang nakapag-isip at inilahad na lang ang kamay para makipagkamay dito.

Pareho silang napatingin sa paligid para tingnan kung pinagtitinginan sila ng mga tao. Mabuti na lamang at hindi. Ganoon pa man, bagamat walang nakatingin, pareho silang maayos ang pagkakaupo at para bang magkakompentensiya sa negosyo na biglang nag-usap. Pareho silang seryoso at pareho nilang pinipigilan ang sarili mula sa pananabik at tawag ng kanilang laman at puso.

"I will make it straight." Tinanggal ni Ludwick ang kaniyang salamin at nakipagtitigan kay Sadie. "It would be better if we stop seeing each other until the election ends."

"Ano?" gulat na tanong ni Sadie dahilan para muli siyang mapatingin sa paligid. "Ilang buwan pa bago ang eleksyon? So, matagal tayong hindi magkikita?

"Look." Inabot ni Ludwick ang kamay ni Sadie ngunit inilayo niya rin ang sariling kamay nang mapagtantong kailangan pa rin pala nilang magpanggap. "Ayaw kong ma-involve ka sa akin at sa kung ano mang paninira ang gagawin ng kalaban kapag malaman nilang we're in a relationship. You know how dirty politics is."

Napatakip ng bibig si Sadie saka pinanliitan ng mata si Ludwick. "I agreed na walang makakaalam ng relasyon natin pero pati ba naman sa pagkikita natin, hindi na rin puwede? Kahit patago? Kahit katulad nito kung saan pareho tayong nagpapanggap?"

"Ito ang makakabuti para sa atin. Ito. . ." Napahinto siya nang malakas na tumunog ang pagdausdos ng kahoy na upuan sa sahig na sinundan ng pagtayo ni Sadie.

"It's for your candidacy, Lud. Ito ang makakabuti sa kandidatura mo, that's it!" Namula ang mga mata ni Sadie at kaagad iyong sinundan ng pagpatak ng kaniyang luha. Wala na siyang pakialam kung may makakita man sa kaniya. "Fine. I don't want to see you, anymore!"

Mariin nitong sabi saka tinanggal ang singsing na regalo sa kaniya ni Ludwick noong anniversary nila.

Naiwan si Ludwick sa mesa at tahimik na lang na pinagmasdan ang singsing habang iniisip kung tama ba ang mga sinabi niya tungkol sa hindi na muna nila pagkikita ni Sadie.