Chapter 9: Betrayal

Amora's POV

Nais kong aliwin ang sarili para kalimutan pansamantala ang nangyayari at ang sinabi sa akin ni Agatha. Masyado na akong naiipit sa sitwasyon. Hindi ko kaya ang pinapagawa niya sa akin kaya kailangan kong mapag-isa para makapag-isip. Napadpad naman ako sa bar, as usual. Hindi na ako nagsayang pa ng oras at kaagad na nag-request sa dati kong iniinom.

Hindi pa ako nangangalahati ay may nararamdaman akong papalapit sa kinaroroonan ko ngunit hinayaan ko na lang iyon. Medyo hindi na ako nagulat nang makita si Andrew. Kaagad naman niyang ipinulupot ang kamay niya sa bewang ko kaya inis ko itong inalis.

“Woah? Bakit ang lamig mo na sa akin, Amora?”

Naiinis ko siyang tinignan pero habang ginagawa ko iyon ay may napansin ako sa sarili. Hindi na ako katulad pa noon na sa tuwing maaalala ko si Andrew ay parang binibiyak ang puso ko. Nakalimutan ko na nga talaga siya dahil si Mr. Hemsworth na nga talaga ang na sa puso ko at hindi na si Andrew.

“Wala akong panahon na makipag-usap sa 'y