Chapter 38

C38 SMGB

“Shira, ano ba ‘yang ginagawa mo?” tanong sa akin ni Ate Sam habaang buhat ko ang gamit ni baby.

“Inihanda ko na ito Ate, mga gamit ni baby,” ngiting sagot ko sa kanya.

“Baka naman mabigat ‘yan, ‘wag ka nga masyado magkikilos. Baka mapa-anak ka ng maaga,” napangiti naman ako sa sinabi ni Ate. Ilang buwan na rin siyang kasama namin dito sa bahay at daig pa niya si Mama. Napapansin ko rin na nagkakamabutihan na sila ni Joseph. Ang tanga ko talaga dati kasi pinagseselosan ko si Joseph. Nakalimutan ko tuloy na si Ate Samera ang gusto niya simula pa noong mga bata pa kami.

“Ate, magaan lang naman ‘to,” Ani ko habang umupo sa kama.

“Kahit na, dapat tinawag mo ako,”

“Ate, naman ginagawa niyo na akong lumpo,” nakanguso ko namang wika sa kanya dahil pareho lang sila ni Joseph. Buntis lang naman ako pero grabe sila kung alagaan ako para na ngang ayaw nila akong tumayo. Kahit sa tindahan ay sila na rin ang nagbantay. Pareho kasi silang nag leave sa trabaho para lang masamahan ako. kabu