Chapter 15

Bumalik na luhaan si Isabella sa kaniyang Kompanya. Marami ang nagbubulungan nang makita siya ng mga empleyado at ang ilan naman ay nakayuko lang.

Sinamaan niya ng tingin ang mga ito at diretsong nagtungo sa kaniyang opisina. Sinalubong siya ni Patricia ngunit hindi niya ito pinansin at agad na pumasok sa loob nang walang sabi-sabi.

Umupo siya sa sofa, sinusubukan niyang pakalmahin ang sarili.

Bakit sila magkakasamang tatlo? Noong naikwento ni Isabella ang tungkol sa kaniyang ama na may ibang kasamang babae ay hindi naging maganda ang timpla noon ni Camille. Posible kayang siya ang babaeng iyon kaya ganoon nalang ang naging reaksyon niya? At si Ryan? Alam din ba niya ang tungkol dito? Pakiramdam ni Isabella ay pinaglilihiman siya ng lahat.

Napapikit nang mariin ang dalaga. Hindi siya pwedeng mag isip at manghusga nang basta-basta. Kailangan niya munang alamin ang katotohanan, ngunit paano?

Napahilamos ito dahil sa frustrationg nararamdaman. Imbes na dumiretso siya sa kaniyang office d