Chapter 17

Hindi makagalaw si Davis sa kaniyang pagkakahiga dahil nangangamba itong magising niya ang mahimbing na pagtulog ni Isabella.

Maghahating gabi na ngunit gising pa rin ang binata, malalim ang iniisip nito habang nakatitig sa kisame, at paminsan minsan din niyang sinisilip ang dalaga.

Napansin niya ang parang namamaga nitong mga mata at mapupulang ilong at labi na sanhi ng kaniyang pag-iyak kanina.

Napabuntong hininga si Davis saka niya dahan dahang hinaplos ang noo ni Isabella upang suriin ang kalagayan nito. Guminhawa ang pakiramdam ng binata dahil medyo bumaba na ang lagnat ni Isabella.

Pinagpatuloy niya ang paghaplos sa noo ni Isabella hanggang dalawin siya nh antok.

Kinaumagahan nagising ang dalaga na mabigat ang kaniyang loob. Nang imulat niya ang kaniyang mga mata, sumalubong sa kaniya ang medyo pamilyar na kwarto.

Inilibot niya ang kaniyang paningin sa paligid at natagpuan niya ang isang brasong nakayakap sa kaniyang baywang. Natagpuan niya si Davis na mahimbing na natutulog sa