Chapter 11

Matapos ihatid ni Ryan si Isabella sa kaniyang condo dala ang mga pinamili nila ay dumiretso na ito sa kanilang Mansion.

Hindi katulad ni Isabella ay mas gusto nitong manatili rito dahil naniniwala ang binata na narito pa rin ang presensiya ng kanilang Ina kaya hindi niya ito maiwanan.

Nang makarating si Ryan sa tapat ng kanilang bahay ay napansin niyang may iba ring sasakyan ang nakaparada. Sigurado siyang ang ama nito ang may ari dahil siya lang naman ang nakakapasok sa bahay na ito maliban kay Isabella.

Halos isang araw sa isang linggo lang rin umuuwi ang kanilang ama kaya madalas niyang nasosolo ang Mansion. Sa totoo lang ay mas gugustuhin nitong mag isa sa halip na makasama ang kaniyang ama.

Napabuntong hininga ito bago lumabas sa kaniyang sasakyan at pumasok sa loob. Rinig na rinig niya ang mga halakhak na nanggagaling sa silid kainan. Napakuyom ang kamao nito. Pang tatlong beses na niyang inuuwi ang babae nito sa kanilang Mansion. Iniisip ni Ryan na wala man lang siyang resp