Chapter 8

Pagod na pagod si Isabella nang makarating siya sa kanyang Condo. Tamad siyang pumasok sa loob at ibinaba ang kanyang nga gamit. Dumiretso siya sa bathroom at minadali niyang nilinis ang kanyang katawan upang sa ganoon ay maaga siyang makakapagpahinga. Pagkatapos niyang maligo ay pinatuyo niya ang kanyang buhok at diretsong humiga sa kama.

Nakatingin lang siya sa kisame, malalim ang iniisip. Inalala niya ang sinabi ni Manang Nora. Ano ang ibig sabihin nitong espesyal siya kay Davis? Ilang beses pa lang sila nagkikita ng binata at madalang din silang mag usap.

Napabangon muli ang dalaga, ang daming bumabagabag sa isip niya. Isa na rin ang nakita niya kanina sa restaurant. Kitang kita ng dalawa niyang mata ang likod na bulto ng kanyang ama, pero parang napaka imposible naman niyon kung iisipin. Ang alam niya ay nasa ibang bansa ito ngayon at may inaasikaso.

Inabot niya ang kanyang telepono sa bedside table ang idinial niya ang numero ng kapatid. Kailangan niyang kumpirmahin ang kanyan